COVALIMA, 28 Setembru 2021 (TATOLI)—Ministériu Edukasaun Juventude no Desportu (MEJD) hala’o lansamentu no sensibilizasaun matadalan aprendijazen ”Eskola Ba Uma” ka “Tele Eskola” ba diretòr no koordenadór eskola sira iha Covalima.
Notísia Relevante: Edukasaun Covalima avalia implementasaun eskola ba uma
“Ita hotu tenke konsentra, ekipa sira atu halo esplikasaun detallu bainhara iha dúvida ho programa ‘Eskola Ba Uma’ ka ‘Tele Eskola’ ida-ne’e, ko’alia kona-bá eskola no aprendizajen distánsia,” Diretòra Jeral Planu Politíka Inkluzaun no Imprisaun, Odilia Martins, iha nia diskursu, iha sensibilizasau matadalan programa “Tele Eskola” ne’ebé realiza iha Ensinu Sekundáriu Jerál Suai, tersa ne’e.
Programa ida-ne’e belé fasilita profesór sira haluha livru iha uma belé asesu iha telemovél tuir matéria ne’ebè profesór prepara, tanba ne’e tenke aproveita oportunidade hodi bele kuñese matadalan aprendijazen distánsia
Mekanizmu ne’ebè atu uza hodi ajuda estudante sira aprende nafatin iha uma mak uza Telefone smartphone hodi download aplikasaun ‘Eskola Ba Uma’ ka ‘Tele Eskola’, asesu matéria aprendizajen iha https:Timor-Leste.learningpassoprt Unicef.org,eskola ba uma tele eskola iha kanál Youtube, haree iha pájina facebook MEJD no tuir grupu ‘Eskola ba Uma’.
Iha kanál ‘Eskola Ba Uma’ ne’e, matéria sira ba estudante sira ho nível pré-eskolár primeiru siklu no segundu siklu belé asesu matéria hotu disponível iha kanál ida ne’e, iha kanál ‘Tele Eskola’ matéria foka liu ba eskola iha nivél terseiru siklu no ensinu sekundária
Estudante sira bele akompaña programa “Eskola Ba Uma” iha televizaun liuhosi RTTL hahú iha tuku 09h00 to’o 10h00, Eskola Ba Uma ba pré-eskolar klase 1-3 iha tuku 10h00 to’o 11h00, Eskola Ba Uma klase 4-6 iha tuku 17h00 to’o 17h30 no Tele Eskola ba klase 7-12.
Eskola Ba Uma iha Televizaun Edukasaun (TVE) akompaña programa Eskola Ba Uma hahú iha tuku 08h00 to’o 9h00, Eskola Ba Uma ba estudante pré-eskolar klase 1-3 iha tuku 09h00 to’o 10h00, Ekola Ba Uma ba uma klase 4-6 iha tuku 15h00 to’o 16h00, Tele Eskola ba klase 7-12, tuku 16h00 to’o 17h00.
Iha GMNTV hahu iha 09h00 to’o 9h15, Eskola Ba Uma ba estudante pré-eskolar sira klase 1-3 iha tuku 09h15 to’o 09h30, Eskola Ba Uma klase 3-6 hahú iha 17h00 to’o 17h30 no Tele Eskola Eskola ba klase 7-12.
Ba estudante sira-ne’ebè iha pergunta bele liga ba númeru 12100 ho gratuita iha oras servisu no bele mós akompaña iha rádiu hodi rona programa Eskola Ba Uma iha tuku 19h00 kalan hosi rádiu komunidade sira.
Diretòr edukasuan Munisípio Covalima, Edmundo Pereira, hateten atividade ne’e halo sensibilizasuan matadalan ba aprendijazen distánsia ba diretór no koordenadór eskola sira tanba realsiona ho pandemia COVID-19.
“Relasiona ho ita-nia situasaun defisil kuaze tinan rua ona hahú hosi 2020 to’o ohin loron, tanba imapaktu hosi pandemia COVID-19 ne’ebè ataka mundu tomak no Timor-Lest. Ho situasaun ne’e, área edukasaun sofre kompara ho setor dezenvolvimentu sira seluk,” nia hateten.
Nia dehan, durante implementasaun estadu emejensia, prosesu aprendizajen iha Covalima kuaze tinan rua la’o ladún di’ak, tanba suspensaun atividade eskola bazea evolusaun númeru kazu pozitivu COVID-19.
Maske tempu balun liu ona maibé ohin hala’o lansamentu tanba laiha tempu ne’ebè tarde atu halo esforsu ba programa aprendizajen distánsia ho modelu oioin hanesan fahe livru ba estudante, akompaña programa iha televizaun, rádiu, facebook, youtube, profesor fahe rezumu matéria ba estudante sira.
Partisipa iha programa lansamentuu no sensibilizaun ne’e mak diretór eskola bázika sentrál hamutuk 20, koordenadór eskola sira hamutuk 21 no mós koordenadór eskola bázika filiál hamutuk 62.
Jornalista : Celestina Teles
Editór : Cancio Ximenes
