DILI, 28 setembru 2021 (TATOLI)— Centro Nacional Chegá (CNC) mak institutu públiku ida ho nia vizaun prezerva memória pasada nian nu’udar lisaun ba povu Timor-Leste no umanidade tomak hodi hetan dame. No, Komité Orientadór 25 (CO25) ne’e nu’udar komité ida ne’ebé mak estabelese liuhusi Rezolusaun Governu nú.1/2017, loron 9 janeiru. Haree ba vizaun no ezisténsia, CNC ho Komité Orientadór 25 asina nota entendimentu eh MoU-Memorandum of Understanding ida, iha salaun CNC Balide, Dili, tersa ne’e. Konteúdu husi memorandum ne’e mak atu hametin liután istória pasada ba jerasaun foun sira atubele hatene istória ne’ebé loos, no mós halo peskiza ba kauza Timoroan sira mate barak durante funu nia laran.
Produsaun Tatoli I.P @2021
