iklan

EKONOMIA, MUNISÍPIU, VIQUEQUE

Negosiante iha Viqueque presiza fatin dignu

Negosiante iha Viqueque presiza fatin dignu

Komunidade iha postu administrativu Viqueque Vila, munisípiu Viqueque, faan de’it produtu lokál iha dalan ninin, kuarta (29/09). Imajen Tatoli/ Vitorino Lopes da Costa.

VIQUEQUE, 29 setembru 2021 (TATOLI)—Komunidade iha postu administrativu Viqueque Vila, munisípiu Viqueque, ne’ebé durante ne’e hala’o negósiu kiik hanesan faan produtu lokál iha dalan ninin,  husu autoridade munisípiu, atu estabelese fatin própriu ne’ebé dignu ba merkadu.

“Ami husu autoridade atu kria merkadu ba ami negosiante-sira tanba durante ne’e ami faan sasan iha dalan ninin de’it,” negosiante, Zulmira Miranda Sarmento, hateten ba jornalista iha Viqueque-Villa, kuarta ne’e.

Notísia relevante:Agostu, SERVE,I.P Viqueque rekolla $492

Tinan barak negosiante ne’e faan iha dalan de’it, tanba fatin laiha no tenke pasiénsia tanba laiha fatin seluk atu bele faan produtu hirak ne’e hodi buka osan.

Kona-bá preokupasaun ne’e, administradór munisípiu Viqueque, Januario Soares Bolly, rekoñese katak, loos duni durante ne’e negosiante kiik iha postu administrativu Viqueque Vila, faan sásan iha dalan ninin, merkadu iha iha Olobai, maibé iha merkadu mós bee laiha.

“Loos, ita-nia negosiante sira iha Viqueque Villa faan-sira sásan iha dalan ninin, la’ós merkadu laiha, merkadu iha, maibé bee ne’ebé liga ba merkadu mak seidauk iha. Ha’u sei esforsu iha tempu badak atu rezolve mak bee, hodi muda negosiante sira ba merkadu,” Bolly promete.

Tuir observasaun, negosiante okupa dalan protokolu área jardin 59 no iha dalan Beloi, nahe lona iha alkatraun leten mak faan produtu lokál.

Jornalista: Vitorino Lopes da Costa

Editór: Cipriano Colo

iklan
iklan

Leave a Reply

iklan
error: Content is protected !!