OÉ-CUSSE, 30 setembru 2021 (TATOLI)—Sentru Informasaun COVID-19 iha Rejiaun Administrativa Espesiál Oé-Cusse Ambeno (RAEOA), kinta ne’e rejista kazu pozitivu foun na’in-neen (6), ativu 31 no rekoperadu 291.
“Ohin, ita rejista kazu pozitivu foun neen (6), kazu ativu ne’ebé baixa hela iha sala izolamentu hamutuk 31 no rekopera ona hosi izolamentu hamutuk 291,” Sekretáriu Rejionál Asuntu Saúde, Manuel da Costa, informa ba Agênsia Tatoli iha Sikluli Oé-Cusse, kinta ne’e.
Kazu ativu 31 ne’e, daudaun ne’e baixa khela iha sala izolamentu Kliníka Kurasaun na’in-lima (5) no iha izolamentu Kitahara Mahata hamutuk na’in-26.
Tuir dadus hosi 23 marsu 2020 to’o 30 setembru 2021, totál dadus komulativu kazu konfirmadu hamutuk 323, hasai teste swab 360, númeru RDT swab 220, komulativu teste-swab 3.674 no komulativu rezultadu negativu 3.436.
Dadus pasajeiru sira-ne’ebé kumpre kuarentena obrigatóriu 1.746, auto-kuarentena 305 ho totál hamutuk 2.051, pasa ona loron-14 hamutuk 1.982 no rejista óbitu ida.
Daudaun ne’e, pasajeiru sira-ne’ebé tama iha Oé-Cusse kumpre hela loron 14 iha kuarentena hamutuk 23, dra. Catarina Anunu nia uma na’in-ida (1), kuarentena Eskola ETARO Masin 17, auto-izolamentu Fulolo na’in-rua (2), auto-kuarentena rezidénsia Mateus Sufa na’in-ida (1), auto-kuarentena Veronica Oématan na’in-ida (1) no auto-kuarentena Palaban na’in-ida (1).
Jornalista : Abílio Elo Nini
Editór : Cancio Ximenes
