OÉ-CUSSE, 04 outubru 2021 (TATOLI)—Sentru Informasaun COVID-19 iha Rejiaun Administrativa Espesiál Oé-Cusse Ambeno (RAEOA), segunda ne’e rejista óbitu rua (2), kazu pozitivu foun na’in-rua (2), ativu 24 no rekoperadu 303.
Notísia Relevante: COVID-19 iha RAEOA: pozitivu haat, ativu 24 no rekoperadu 302
“Ohin, ita rejista kazu óbitu-rua ne’e mate ho COVID-19 iha sala izolamentu klinika Kurasaun Oé-Cusse tanba moras komplikadu no serimónia funeral realiza iha loron dominguu, no ohin rejista mós kazu pozitivu foun rua, kazu ativu baixa hela iha sala izolamentu hamutuk 24, no rekopera ona hosi izolamentu hamutuk 303,” Sekretáriu Rejionál Asuntu Saúde, Manuel da Costa, informa ba Agência Tatoli iha Sikluli, Oé-Cusse, segunda ne’e,
Kazu ativu 24 ne’e, daudaun ne’e kumpre no baixa hela iha sala izolamentu Kliníka Kurasaun na’in-neen (6) no iha izolamentu Kitahara Mahata hamutuk na’in-18.
Daudaun ne’e, pasajeiru sira ne’ebé tama iha Oé-Cusse kumpre hela loron 14 iha kuarentena hamutuk 26, uma dra. Catarina Anunu na’in-ida (1), kuarentena Eskola ETARO Masin 20, auto-izolamentu Fulolo rua (2), auto-kuarentena rezidénsia Mateus Sufa na’in-ida (1), auto-kuarentena Veronika Oématan na’in-ida (1) no auto-kuarentena Palaban na’in-ida (1)
Tuir dadus hosi 23 marsu 2020 to’o 04 outubru 2021, totál dadus komulativu kazu konfirmadu hamutuk 330, hasai teste-swab 412, númeru RDT swab 220, komulativu teste-swab 3.726, komulativu rezultadu negativu 3.484.
Dadus pasajeiru ne’ebé kumpre kuarentena obrigatóriu 1.753, auto-kuarentena 305 totál hamutuk 2.058 no pasa ona loron-14 hamutuk 1.993 no rejista óbitu tolu.
Jornalista : Abílio Elo Nini
Editór : Cancio Ximenes
