OÉ-CUSSE, 05 outubru 2021 (TATOLI)—Sentru Informasaun COVID-19 iha Rejiaun Administrativa Espesiál Oé-Cusse Ambeno (RAEOA), tersa ne’e rejista kazu pozitivu foun na’in-tolu (3), ativu 17 no rekoperadu 313.
Notísia Relevante: COVID-19 iha RAEOA: óbitu rua, ativu 24 no rekoperadu 303
“Ohin, ita rejista kazu pozitivu foun tolu, kazu ativu ne’ebé baixa hela iha sala izolamentu hamutuk 17 no rekoperadu 313,” Sekretáriu Rejionál Asuntu Saúde, Manuel da Costa, informa ba Agência Tatoli iha Sikluli, Oé-Cusse, tersa ne’e.
Kazu ativu 17 ne’e, daudaun ne’e kumpre no baixa hela iha sala izolamentu Kliníka Kurasaun na’in-hitu (7) no iha izolamentu Kitahara Mahata hamutuk na’in-10.
Tuir dadus hosi 23 marsu 2020 to’o 05 outubru 2021 ne’e, totál dadus komulativu kazu konfirmadu hamutuk 333, hasai teste swab 455, númeru RDT swab 232, komulativu teste swab 3.769, komulativu rezultadu negativu 3.515.
Dadus pasajeiru ne’ebé kumpre kuarentena obrigatóriu hamutuk 1.754, auto-kuarentena 305 ho totál hamutuk 2.059, pasa ona loron-14 hamutuk 2001 no iha RAEA to’o ogin loron rejista óbitu hamutuk na’in-tolu (3).
Daudaun ne’e, pasajeiru sira-ne’ebé tama iha Oé-Cusse kumpre hela loron 14 iha kuarentena hamutuk 26, uma dra. Catarina Anunu na’in-ida (1), kuarentena Eskola ETARO Masin 20, auto-izolamentu Fulolo rua (2), auto-kuarentena iha rezidénsia Mateus Sufa na’in-ida (1), auto-kuarentena Veronika Oématan nia rezidénsia na’in-ida (1) no auto-kuarentena Palaban na’in-ida (1).
Jornalista : Abílio Elo Nini
Editór : Cancio Ximenes
