iklan

COVALIMA

DTT Covalima fó ezame eskrita ba motorista trata karta kondusaun

DTT Covalima fó ezame eskrita ba motorista trata karta kondusaun

Motorista karreta ho motor tuir ezame eskrita trata karta kondusaun. Imajen Tatoli/Celestina Teles.

COVALIMA, 11 outubru 2021 (TATOLI—Dirasaun Transporte Terrestre (DTT) Covalima segunda ne’e fó ezame eskrita faze daruak ba motorista karreta ho motor ne’ebé trata karta kondusaun.

Diretór DTT Covalima, Juaquim Gusmão. hateten durante ne’e motorista karreta ho motor hamutuk 1.860 mak trata karta kondusaun iha DTT Covalima, maibé hosi númeru ne’e motorista na’in-300 resin mak tuir ona teste esktrita faze dahuluk nian. 

“Ohin Ami kontinua fó teste esktrita ba motorista karreta ho motor ne’ebè mak seidauk tuir teste esktrita hodi trata karta kondusaun,” Juaquim Gusmão hateten ba jornalista sira iha salaun Gedung Wanita Santa Rosa, Covalima.

Maske motorista balun tuir ona teste eskrita maibé sei kontinua fó tempu nafatin ba motorista sira-ne’ebè seidauk tuir teste, tanba karik motorista balun hela iha postu administrativu sira-ne’ebè do’ok hosi Suai Vila. 

Nia parte seidauk belé fo sai ba motorista sira, bainhara mak motorist hirak ne’e atu tuir teste prátika tama-sai roda, tanba sei hein desizaun hosi Diretór Dirasaun Nasional Transporte no Terrestre. 

“Ami agora esforsu hodi konfirma dokumentu sira no hodi kurize matéria teste no sei fó sai rezultadu atu kontinua tuir teste prátika tama roda nian,” nia dehan. 

Dadus hosi DTT Covalima rejista totál motorista karreta ho motor hamutuk 1.860-resin. Hosi número ne’e motorista sira-ne’ebé tuir ona teste iha faze dahuluk nian hamutuk 300-resin no agora hela 1500-resin mak seidauk tuir ezame eskrita, no ohin fó oportunidade ba sira tuir ezame eskrita. 

Motorista hirak ne’e kada ema ida selu $15.00 ne’ebè selu direta iha Banku Nasionál Komérsiu Timor-Leste (BNCTL, sigla portugés) ho totál orsamentu $26.370 no iha motorista balun mak seidauk selu.

Motorista Leopoldo da Cruza Bau agradese ba DTT, tanba fó oportunidade ba sira tuir ezame eskrita ba sira-ne’ebè seidauk tuir ezame eskrita iha faze dahuluk nian.

“Ita nu’udar sidadaun tenke kumpre lei ne’ebè mak vigora ona. Bainhira uza motor ho karrete tenke iha karta kondusaun no dokumentu kompletu,” nia dehan.

Nia dehan, nu’udar sidadaun ne’ebè uza transporte nia parte hein de’it informasaun hosi DTT banhira mak Dirasaun Transporte Terrestre Covalima aunsia hodi tuir fali ezame prátika tama roda nian. 

Jornalista : Celestina Teles

Editór       : Cancio Ximenes 

iklan
iklan

Leave a Reply

iklan
error: Content is protected !!