iklan

EDUKASAUN, DILI, HEADLINE

Timor-Leste no parseiru introdús servisu investigasaun sientífiku inovativu

Timor-Leste no parseiru introdús servisu investigasaun sientífiku inovativu

Ilustrasaun repozitóriu dijitál. Imajen/Espesiál

DILI, 13 outubru 2021 (TATOLI)—Timor-Leste no parseiru, foin lalais ne’e lansa ona servisu sientífiku peskiza inovativu liuhosi serimónia virtual ida.

Tuir Embaixadór UE iha Timor-Leste, Andrew Jacobs, dijitalizasaun no teknolojia dadus atu dinamiza iha asaun, hodi fó atensaun espesiál atu nune’e bele liga lakuna bazeia ba jéneru dijitál.

“Liu tan fali, tau teknolojia ba servisu povu nian mak nesesidade urjente ida iha Timor-Leste, ne’ebé sistema e-governasaun seidauk funsiona ho di’ak, halo instituisaun públika sira sai inefisiente, rekursu sira ezijente no neneik atu presta servisu ba populasaun,” Embaixadór UE relata liuhosi nota ne’ebé Agência TATOLI asesu, tersa ne’e.

Seremónia ne’e partisipa hosi Xefe Delegasaun Uniaun Europeia (UE) ba Timor-Leste, Andrew Jacobs, hamutuk ho reprezentante hosi Ministériu Ensinu Superior, Siénsia no Kultura, Ministériu Negósiu Estranjeiru no Kooperasaun, ho Diretór Ezekutivu Institutu Nasionál Siénsia no Teknolojia (INST), Painel Péritu sira ba Polítika Apoiu ba Fasilidade (PFP) no Organizasaun ba Estadu Afrikana, Karaíba no Pasífiku sira (OACPS).

Enkuantu, objetivu hosi enkontru virtuál ne’e atu hahú estudu viabilidade hanesan faze dahuluk hosi projetu ne’e, ne’ebé iha estudu nia rohan, painél péritu sira sei bele fornese informasaun hirak ne’ebé presiza atubele estabelese repozitóriu dijitál nasionál iha Timor-Leste no apoia kriasaun programa Siénsia, Teknolojia no Inovasaun (STI).

Iha ámbitu ne’e, Programa Fasilidade ba Polítika (PFP) hodi kria repozitóriu dijitál nasionál sira atu harii programa espesífiku ida ba Siénsia, Teknolojia no Inovasaun sira, ho painél péritu sira.

PFP oferese servisu ne’ebé bazeia ba nesesidade nasaun, ne’ebé hetan finansiamentu hosi UE hamutuk millaun €60 (millaun $69) no implementa hosi OACPS).

Jornalista : Tomé Amado

Editora      : Julia Chatarina

iklan
iklan

Leave a Reply

iklan
error: Content is protected !!