DILI, 15 outubru 2021 (TATOLI)— Komisaun Nasionál ba Kombate HIV/SIDA Timor Leste (CNCS-TL, sigla Portugés) sensibiliza informasaun ba Konfederasaun Sindikatu Timor Leste (KSTL) atu hapara estigma no diskriminasaun hasoru ema ho HIV/SIDA iha serbisu fatin.
“Ami hamutuk hoKSTL hodi sosializa informasaun kona-ba impaktu no risku, inklui lala’ok HIV SIDA ba traballadór atu iha servisu fatin hamenus ka hapara estigma no diskriminasaun hasoru ema pozitivu ho HIV/SIDA,’’ Sekretária Ezekutivu CNCS-TL, Atanacio de Jesus ba jornalista sira bainhira sensibiliza informasaun ba traballadór sira hamahon aan iha KSTL iha salaun Madre Canosiana,Becora, sesta ne’e.
Notísia Relevante : SEII koopera ho CNCS-TL tulun feto vulnerável HIV/SIDA
CNCS-TL espera liuhosi sensibilizasaun ne’e bele hasa’e konsénsia sidadadun hotu, liuliu traballadór sira atu hapara diskriminasaun hasoru ema ho HIV/SIDA iha uma, sosiedade no fatin serbisu.
Iha biban hanesan, Prezidente KSTL, Almeiro Vila Nova, agradese CNCS-TL sensibiliza informasaun ba traballadór sira atu hapara estigma no diskriminasaun ba traballadór ne’ebé pozitivu HIV/SIDA iha serbisu fatin.
“Ita la fó atensaun ba problema ne’e mak ha’u hanoin katak propagasaun sai boot liután tanba ema sente moe no tauk la bá halo tratamentu,’’ Prezidente KSTL ne’e akresenta.
Iha lei traballu garante direitu fundamentál ba traballadór sira, liuliu ema ho HIV/SIDA labele hetan estigama no diskriminasau iha sebisu fatin.
Tuir dadus CNCS-TL hatudu HIV/SIDA afeta ba ema ho idade 24 to’o 4 (60%), idade 14 to’o 24 (28%) no idade ne’ebé menus husi tinan 14 (8%).
Hahú tinan 2003 to’o fulan-marsu 202, ema ne’ebé maka afeta ba HIV/SIDA hamutuk 1.374, kompostu ema na’in-155 maka mate no na’in-656 maka halo hela tratamentu saúde.
Notísia Relevante : Timoroan 1.256 mak sofre HIV/SIDA, mate 140
Jornalista: Felicidade Ximenes
Editór: Florencio Miranda Ximenes
