DILI, 25 outubru 2021 (TATOLI) – Eskola Santa Madalena Canossa, Dili, hanesan estabalesimentu ensinu privada katóliku ida iha Dili. Eskola katólika Madalena hamriik ho vizaun ida katak serbi ho domin kristu krusifikadu nian hodi kontribui ba kresimentu no dezenvolvimentu integrál ema nian ba kreda no nasaun. Misaun eskola katólika ne’e mak espiritu Jesus Kristu krusifikadu mak matadalan no inspirasaun ba Santa Madalena de Canossa nia misaun iha kultura Timor-Leste ho identidade katólika tanba ne’e komunidade edukativu kompromete nia aan liuhusi edukasaun ne’ebé sentraliz iha formasaun fuan nian mak hatene rona, hanoin, diserne no fahe. Ho vizaun no misaun ne’ebé mak iha, Eskola Katólika Santa Madalena Canossa Dili, lansa programa ida hanaran “Eskola Matak’, ho objetivu atu eduka estudante, inan-aman sira kona-ba oinsá atu hamenus uzu plástiku/ halo resiklajen no transforma plástiku uzadu sai produtu seluk atu bele uza fila-fali.
Produsaun Tatoli I.P @2021
