COVALIMA, 27 outubru 2021 (TATOLI)—Primeiru-Ministru, Taur Matan Ruak, fó parabéns ba povu Covalima tanba taxa kobertura vasinasaun iha nivel nasionál ne’e munisípiu Covalima okupa fatin daruak hafoin Dili.
Notísia Relevante: Governu fó parabéns ba komunidade Covalima tanba taxa kobertura vasinasaun aas
“Ha’u fó parabens ba munisípiu Covalima ba prosesu kompañia vasinasaun okupa segundu lugar. Governu hakarak estabilidade no seguransa ba ita-boot sira-nia atividade no ita-boot sira-nia vida ho kooperasaun ita-nia parseiru dezenvolvimentu, Austrália reprezenta embaixadór apoiu vasina ba Timor-Leste,” Primeiru-Ministru, Taur Matan Ruak, hateten iha ninia diskursu liuuhosi serimónia lansamentu perfurasaun dahuluk mina posu Feto Kmaus iha aeroportu Internasionál Kay Rala Xanana Gusmão, Covalima, kuarta ne’e.
Tanba ne’e, Xefe Governu fó parabéns povu Covalima nia taxa kobertura vasinasaun okupa segudu lugar iha nivel nasionál
Bazea ba dadus hatudu taxa partisipasaun okupa Primeiru lugar mak Dili ho doze daruak 72,7% no doze dahuluk 81%, munisípiu Covalima vasina ba doze dahuluk 87% no ba doze daruak 55,5%, tuir Viqueque, RAEOA, no Ainaro segundu doze 20.6% no doze dahuluk 54%
“Ha’u espera, administradór sira servisu makaas atu hasa’e taxa kobertura vasinasaun. Ha’u ba Baucau no Eremera, ha’u hateten Governu fahe populasaun ba parte tolu mak hanesan, grupu ida ema-ne’ebè koopera, grupu sira seluk sira-ne’ebè dúvida, sira seluk ida-ne’ebè lakohi vasina,” Xefe Governu hateten.
Grupu dahuluk la’o di’ak tebes iha fulan setembru ne’e, Governu tomák konsentra nia atensaun ajuda administrad’or no Prezidente autoridade no Xefe Governu rasik realiza kampaña nasionál vasinasaun hodi hasai duvida, maibé kampaña fulan ida-de’it, grupu ne’ebè lakohi sira sei buka postu saúde no sentru vasinasaun atu vasina.
Governu prepara ona lejislasaun bainhira funsionáriu, veteranu trata dokumentu, simu osan terseira idade atu simu osan tenke hatudu kartaun kinur.
“Ha’u prepara ona lejislasaun bainhara funsionáriu atu simu saláriu tenke hatudu kartaun kinur. Veteranu sira trata dokumentu tenke hatudu kartaun kinuur. Treseira idade mós tenke iha kartaun kinur, laiha sei la simu saláriu. Entaun tenke koopera ho Governu,” nia apela.
Xefe Governu nia esperansa, tempu besik Covalima bele konklui no atinje trajetu 80% hodi bele fila ba situasaun normalidade.
Enkuantu durante ne’e membru Governu ne’ebè mak realiza kampañia vasinasaun iha munisípiu Covalima mak hanesan Vise Ministru Juventude no Desportu António Guterres, Vise-Ministru Interiór António Armindo no Ministru Obra Publika Salvadór Pires.
Notísia Relevante: COVID-19: kazu pozitivu hitu no ativu 56
Jornalista : Celestina Teles
Editór : Cancio Ximenes
