BAUCAU, 26 outubru 2021 (TATOLI) – Vítima mortál hosi suku Buruma durante mate ba ukun-aan durante iha funu-laran hamutuk na’in-16 hosi uma-lisan ualu (8).
Xefe suku Buruma, postu administrativu Baucau vila, munisípiu Baucau, Libório dos Santos Freitas, hateten vítima na’in-16 refere mai hosi aldeia tolu hanesan aldeia Casimuto, Wonosere no Soliua.
“Tuir dadus ne’ebé ami rekolla, iha suku Buruma totál uma lisan (8) no totál ema-ne’ebé mate ba ukun-aan hamutuk na’in-16,” Xefe suku Buruma informa ba Agência TATOLI iha Sentru Konvensaun Baucau (CCB, sigla Portugés) vila antiga, tersa ne’e.
Hosi aldeia Casimuto, totál uma lisan hamutuk (2) ho totál vítima na’in-sia (9) kompostu hosi mane na’in-lima (5) no feto na’in-haat (4).
Aldeia Wonosere totál uma-lisan (4) no vítima mortál hamutuk na’in-lima (5) kompostu mane na’in-tolu (3), mane na’in-rua (2) no aldeia Soliua hamutuk uma-lisan (2), total vítima mortál hamutuk na’in-rua (2) kompostu feto ida no mane ida.
Hosi dadus ne’e submete ona ba komisaun nasionál rekolla dadus hosi Sekretaria Estadu Kombatente no Libertasaun Nasionál (SEKLN) . vítima mortál na’in-16 ne’e hahú hosi 1975 to’o 1999.
Notísia relevante: Vítima mortál dezde 1975-1999 iha Ossouala na’in-811
Jornalista : Natalino Belo
Editór : Evaristo Soares Martins
