DILI, 08 novembru 2021 (TATOLI)– Ekipa istimadu hosi Universidade Timor Lorosae (UNTL) alias Academica FC iha sorte ne’ebé aat tanba hahú iha jornada primeiru too ona 20 Pra Liga Futsal Timor -Leste ekipa ne’e laiha mudansa absoluta atu konkista nia vitória hodi ultrapasa ba zona modok.
Hosi rezultadu ne’ebé ekipa UNTL ne’e hetan la fó ksolok ba haree na’in futeból-sira tanba hatudu jogu ne’ebé laiha mudansa no mantein iha zona mean.
Iha jornada dala-20 ona Academica seidauk manan ekipa ida, maibe lakon mak dala-17, empate da-rua, nune’e daudaun hela metin iha zona mean liña ikusliu ho pontu rua.
Bainhira ekipa hosi Universiade Nasionál Timor-Leste ne’e hasoru nia adversáriu Caesar Dante hurlele to’o eskore 7-0.
Vitoria ne’ebé Caesar Dante hetan ne’e mantein iha zona modok ka zona aman ho pontu hamutuk 38 okupa iha pozisaun hitu.
Golu vitoria ne’ebé Caesar Dante rekolla hosi jogadór Januario Cabral iha minutu ‘9, Denato Amaral ’10, ’31, ’34, Ricardo da Silva ’17, Joanico Hornai ’26 no Guido Amaral ’29.
Haree ba jogu ne’ebé la’o ho tempu ne’ebé naruk ona la fó ona garantia ba ekipa UNTL ne’e hodi ultrapasa ba lina modok, nune’e ekipa ne’e tenke hela de’it ho zero.
Entretantu, jogu ba jornada 20 entre Academica ho Caesardante hala’o iha kampu futsal FALINTIL-Forsa Defeza Timor – Leste (F-FDTL) Fatuhada, segunda kalan ne’e.
Notisia Relevante: Mauputar susesu hadau pontu tolu hosi Boa Sorte
Jornalista : Hortencio Sanchez
Editór : Florencio Miranda Ximenes
