COVALIMA, 11 novembru 2021 (Tatoli)—Administradór Munisípiu Covalima, Francisco de Andrade, husu ba juventude Covalima atu banati tuir juventude uluk nian ne’ebè mak aten brani halo demostrasaun hodi hasoru militár Indonézia tanba ho masakre ne’e mak loke mundu nia matan.
“Ita hatene istória Masakre 12 Nobembru sai hanesan fatór determinante hodi loke mundu hotu nia matan katak Timor hakarak duni ukun rasik an. Joven sira tenke banati tuir luta hosi joven sira uluk nian, no joven sira agora labele halo tuir imi-nia hakarak halo buat ne’ebè mak ema seluk atu hanoin,” Administradór Francisco de Andrade informa ba Agência Tatoli iha nia knaar fatin, kinta ne’e.
Joven sira, administradór ne’’e haktuir, iha momentu ne’ebá (12 novembru 1991) joven sira organiza an hafoin misa iha igreja Motael, juventude sira halo maifestasaun la’o ain hosi igreja Motael to’o iha semitériu Santa Cruz hodi hasoru militár Indonézia.
Enkuantu, komemora masakre 12 Novembru ne’ebè organiza hosi Centru Juventude Covalima realiza ne’e, hala’o atividade sira hanesan kampaña vasinasaun iha postu administrativu Zumalai, semináriu no mós misa agradesimentu.
Centru Juventude Covalima komemora masakre 12 Novembru 1991 ba dala-XXX iha Covalima hetan apoiu hosi Sekretária Estadu Juventude no Desportu (SEJD) ho hamutuk $3,500.00
Notísia Relevante: Juventude Covalima sei komemora masakre 12 novembru ho ‘kalan reflesaun’
Jornalista : Celestina Teles
Editór : Cancio Ximenes
