DILI, 15 novembru 2021 (TATOLI)– Oitavu Governu Konstitusionál prevee orsamentu ho totál $332,453,139 ne’ebé aloka iha fundu infraestrutura no kapitál dezenvolvimentu hodi finansia projetu infraestrutura ne’ebé sei implementa iha 2022.
Vise Primeiru Ministru no Ministru Planu no Ordenamentu, José Maria dos Reis, hateten Governu define ona prioridade ba projetu infraestrutura hamutuk 700-resin ne’ebé implementa iha tinan oin.
“Orsamentu ne’e iha 97% responde ba iha projetu-sira hahú iha 2020-2021 to’o 2022 hamutuk 700-resin. Iha projetu foun 125 ba de’it estudu viabilidade ne’ebé mak aloka iha fundu infrastrutura nian. Tanba iha tinan (2021) ne’e ho 97% halo rekuperasaun ba infraestrutura tanba laiha projetu foun,” Ministru José Reis, hateten ba Agência TATOLI, hafoin audénsia ho Deputadu sira iha Komisaun E, iha rezidensia Prezidente Parlamentu Nasionál, Faról Dili, segunda ne’e.
Hosi orsamentu $332,453,453,139 ne’ebé fahe ba kategoria, salariu no vensimentu $34,995, bens no servisu $940,865, kapital menor $32,200, no kapitál dezenvolvimentu hamutuk $331,445,079.
Atual Prezidente Konsellu Administrasaun Fundu Infraestrutura (KAFI), informa, ho montante orsamentu ne’e atu finansia programa hamutuk 26, sub-programa 68 no atividade ka projetu infraestrutura hamutuk 1,004 iha 2022.
Alokasaun orsamentu ho baze programa
Alokasaun orsamentu ba fundu infraesturtura ne’e sei finansia projetu sira iha liña ministeriál sira ho baze ba programa hanesan, programa ho kódigu 171 kona-ba aproxima serbisu Tribunál ba populasaun $4,407,817, programa ho kódigu 023 kona-ba jestaun no finansa públika $3,030,000 no programa ho kódigu 024 kona-ba kultura no patrimóniu $950,000.
Programa ho kódigu 252 kona ba telekomunikasaun alokadu $16,815,467, programa ho kódigu 026 kona-ba estrada no ponte $164,495,443, programa ho kódigu 028, kona-ba dezenvolvimentu rurál no urbana $11,989,298.
Nune’e mós, programa ho kódigu 366 kona-ba seguransa nasionál $6,099,832, programa ho kódigu 388 kona-ba Defeza nasionál $4,077,517 no programa ho kódigu 392 kona-ba asesu justisa $50,000.
Programa ho kódigu 401 kona-ba rekursu petrolífera no minerál $2,150,000, programa ho kódigu 439 kona-ba garante ba liberdade Espresaun no asessu ba informasaun $450,000 no programa ho kódigu 502 kona-ba transporte $400,000.
Aleinde ne’e, programa ho kódigu 510 kona-ba boa governasaun no jestaun institusionál $11,053,764 no programa ho kódigu 797 kona-ba agrikultura $5,774,544.
Iha mós programa ho kódigu 798 kona-ba água no saneamentu $9,150,068, programa ho kódigu 802 ba elétrisidade $11,419,593 no saúde $2,777,319 ho kódigu 805, programa ho kódigu 809 kona-ba aeroportu $40,141,002 no programa ho kódigu 874 ba portu aloka $2,957,701.
Programa ho kódigu 977 kona-ba manutensaun, reabilitasaun no resposta ba estrutura danifikada kalamidade alokadu ho orsamentu $17,529,207 no programa ho kódigu 979 kona-ba edukasaun no formasaun aloka $7,749,407.
Programa ho kódigu 980 kona-ba igualdade jéneru no inklusaun sosiál aloka $5,126,310, programa ho kódigu 981, ba protesaun no konservasaun ambiente $100,000 no programa ho kódigu 982 kona-ba turizmu $1,032,500.
Kona-ba investimentu no diversifikasaun ekonómiku ho programa kódigu 983 aloka $2,576,350 no programa ho kódigu 984 kona-ba ordenamentu territóriu $150,000.
Entertantu, hahú 2011 to’o 2021, Governu aprova no aloka ona orsamentu ho montante billaun $5,1. Hosi totál ne’e, konsege ezekuta billaun $3,2 ne’ebé ekivalente ho 62%.
Jornalista : Hortencio Sanchez
Editór : Florencio Miranda Ximenes
