iklan

NASIONÁL, HEADLINE, KAPITÁL

Komemorasaun Proklamasaun Independénsia hahú ho feira nasionál iha Baucau

Komemorasaun Proklamasaun Independénsia hahú ho feira nasionál iha Baucau

Ministru Administrasaun Estatál, Miguel Pereira de Carvalho. Imajen TATOLI/Francisco Sony

DILI, 18 novembru 2021 (TATOLI)–Ministru Administrasaun Estatál (MAE), Miguel Pereira de Carvalho, hateten, komemorasaun Loron Proklamasaun Indepedénsia 28 novembru ba dala-46 ho tema “A União e a Luta Conjunta para a Vitória de Todos” sei hahú ho feira nasionál.

“Atividade ne’e realiza iha Baucau, hahú iha loron 22 to’o 28 novembru,” Ministru hateten iha, salaun enkontru MAE, Caicoli, kinta ne’e.

Atividade seluk hanesan misa agradesementu sei realiza iha loron 27 novembru 2021, ne’ebé hafoin misa sei iha mós depozisaun flores iha Baucau.

Nune’e mós, ministériu sira selebra susesu implementasaun projetu sira iha munisípiu Baucau, ne’ebé sei partisipa hosi alta entidade Estadu.

Notísia relevante: Loron Proklamasaun Independénsia tinan ne’e sei selebra iha Baucau

Enkuantu, preparasaun 28 novembru iha Baucau daudaun ne’e atinje ona 65% ne’ebé sei realiza iha aldeia Darsula, suku Gariuai, postu administrativu Baucau villa.

Bainaka importante sira ne’ebé sei partisipa mak Prezidente Repúblika Francisco Guterres ‘Lú Olo’, Prezidente Parlamentu Nasionál Deputadu Aniceto Longuinhos Guterres Lopes, Primeiru Ministru Taur Matan Ruak, Prezidente Tribunál Rekursu Deolindo dos Santos, korpu diplomátiku, veteranu sira, autoridade lokál no inklui komunidade munisípiu 12 inklui Rejiaun Administrativa Espesiál Oé-cusse Ambeno (RAEOA).

Jornalista : Arminda Fonseca

Editora     : Julia Chatarina

iklan
iklan

Leave a Reply

iklan
error: Content is protected !!