DILI, 19 novembru 2021 (TATOLI)— Sala Situasaun, Sentru Integradu Jestaun Krize (CIGC, sigla Portugés) relata, ohin, kazu detetadu foun na’in-rua, rekuperadu laiha no kazu ativu na’in-ualu.
“Númeru kazu detetadu foun na’in rua. Ema ne’ebé hala’o tratamentu ospitalizadu laiha. Munisípiu ualu ho RAEOA laiha ona kazu ativu no munisípiu haat sei iha kazu esporádiku no kobertura vasina kompletu (doze daruak) iha Timor-Leste tomak, foin maka 54,4%,” Adjunta Kordenadora Forsa-Tarefa ba Prevensaun no Mitigasaun, Odete da Silva Viegas, hateten liuhosi nota ne’ebé Agência TATOLI asesu, sesta ne’e.
Nune’e, hahú 21 marsu 2020 to’o 16 novembru 2021 iha kumulativu kazu konfirmadu 19.816, kumulativu rekuperadu 19.686 no óbitu 122.
Hosi horisehik mai ohin, Laboratóriu Nasionál Saúde halo teste PCR 28, kompostu vijilánsia sentinela laiha, rastreiu ba kontaku laiha, rastreiu aleatóriu 24, viájen internasionál laiha, follow up iha kuarentena na’in-haat.
Alende ne’e, totál teste PCR ne’ebé halo iha 18 novembru iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 150, hanesan Maubisse haat, Maliana 11, Viqueque tolu, Suai 12, Baucau 47, Ermera tolu, RAEOA hitu, HNGV 63, Lautém ida, Vera Cruz laiha.
Populasaun elijível tinan 18 ba leten, ne’ebé simu ona vasina to’o iha loron 16 novembru, tuir sistema informasaun Saúde iha Ministériu Saúde, hanesan kumulativu 1ª doze iha Dili 85,3% no kumulativu 2ª doze iha Dili 75,3%.
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 78,9% no simu ona doze daruak 54,4%.
Hosi insidénsia COVID-19 iha Timor-Leste, durante loron hitu ikus maka 0,1/100 mil abitante,
Iha loron 16 novembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu laiha, moderadu laiha no kaman na’in-rua.
Notísia Relevante: COVID-19: pozitivu ida no kazu ativu neen
Jornalista : Natalino Costa
Editór : Florencio Miranda Ximenes
