DILI, 30 novembru 2021 (TATOLI)--Ministériu Turizmu komérsiu no Indústria (MTKI) liuhosi Inspesaun Jerál Jogu (IJG, siga portugés), iha tersa ne’e, entrega mini-merkadu ne’ebé antes ne’e ministériu uza ba feira nasionál iha aldeia Darasula, suku Gariaui, postu administrativu Baucau villa, munisípiu Baucau.
Antes ne’e, MTKI uza fatin ne’e ba espozisaun iha loron Proklamasaun Indepedénsia ba dala-46, ne’ebé inisisiativa atu entrega ba komunidade lokál hanesan rekordasaun ida atu uza hodi fa’an produtu lokál.
Xefe aldeia Darasula, Jose Maria , hateten, durante tinan barak komunidade sempre husu konstrui merkadu ida iha areadór Darasula, maibé laiha resposta.
“Ami agradese tebes ba MTKI no empreza Amizade, no agradese mós ba funsionáriu Inspesaun Jerál Jogu na’in-rua, ho esforsu tomak durante semana ida nia-laran hasoru dezafiu oin-oin hodi harii mini-merkadu ba espozisaun feira nasionál, maibé ikus mai husik hela mini-merkadu ne’e ba komunidade, ami kontente tanba iha inísiu atu konstrui sedauk fiar 100% dala-barak ema mai sukat de’it maibé laiha rezultadu,” nia dehan.
Jornalista : Arminda Fonseca
Editora : Julia Chatarina
