EKONOMIA, HEADLINE

MTKI-Telkomcel lansa aplikasaun MyLoja halo tranzasaun produtu via online

MTKI-Telkomcel lansa aplikasaun MyLoja halo tranzasaun produtu via online

Ministru Turizmu Komérsiu no Indústria, José Lucas Do Carmo Da Silva no Diretór Ezekutivu Telkomcel, Yogi Rizkian Bahar, halo lansamentu ba aplikasaun MyLoja, iha Suai Room, Timor Plaza, kuarta (01/12). Imajen TATOLI/Francisco Sony

DILI, 01 dezembru 2021 (TATOLI)–Ministériu Turizmu, Komérsiu no Indústria (MTKI), iha kuarta ne’e, hamutuk ho operadór telekomunikasaun Telkomcel iha Timor-Leste, lansa aplikasaun hanaran ‘MyLoja’, hodi fornese ba kliente sira halo tranzasaun produtu liuhosi online.

Iha lansamentu ne’e, Ministru Turizmu, komérsiu no Indústria, José Lucas do Carmo da Silva, agradese ba operdadór telekomunikasaun indonéziu ne’e, tanba bele fasilita negosiante sira fa’an produtu.

Ministru Turizmu Komérsiu no Indústria, José Lucas Do Carmo da Silva. Imajen TATOLI/Francisco Sony

“Inisiativa ne’e di’ak tebes tanba ministériu ninia papél atu haree setór ekonomia produtivu sira hanesan turizmu médiu kiik no komérsiu, indústria,” Ministériu José Lucas dehan iha ninia diskursu lansansamentu aplikasaun, iha Suai Room, Timor Plaza.

Durante ne’e Telkomcel hakbesik-an ba Governu liuhosi MTKI hodi diskute kriasaun aplikasaun online hodi promove produtu hanesan ortikultura, artezenatu, sítiu turístiku no seluk tan.

Nune’e, governante ne’e husu ba operadór telekomunikasaun hodi kontinua halo diskusaun hodi esplora tipu negósiu ka atividade ekonomia.

Aplikasaun online MyLoja. Imajen/Telkomcel

“MTKI liuhosi Diresaun Komérsiu ne’ebé haree kona-ba protesaun konsumidór, tenke kolabora di’ak ho empreza atu regulariza didi’ak aplikasaun online ne’e bainhihra sosiedade uza,” nia akresenta.

Iha fatin Diretór Ezekutivu Telkomcel, Yogi Rizkian Bahar, hateten, aplikasaun MyLoja hanesan produtu inovasaun Telkomsel ne’ebé atu fó apoiu ba vida negósiu médiu no kiik Timor-Leste liuhosi dijitalizasaun.

“Telkomcel iha esperansa ho aplikasaun ne’ebé eziste, bele integra ho karteira dijitál T.PAY no servisu haruka sasán liuhosi aplikasaun MySend, tanba fasil ba komunidade hodi halo atividade kompra sasán ho seguru no lais, tanba MySend hanesan dalan ne’ebé ajuda negosiante sira avansa dezenvolve merkadoria iha nasaun,” nia dehan.

Notísia relevante: Telkomcel Lansa Produtu T.PAY Hodi Fasilita Tranzasaun Eletrónika

Yogi Rizkian konsidera, MyLoja hanesan responsável sosiál empreza ba komunidade Timor-Leste relasiona ho negósiu mikro, médiu no kiik, tanba hosi peskiza hatudu katak dezenvolvimentu negósiu iha nível tolu ne’e mak hanesan roda ekonomia komunidade no rekomendasaun ekonomia nasionál.

Diretór Ezekutivu Telkomcel, Yogi Rizkian Bahar. Imajen TATOLI/Francisco Sony

Kritéria rejistu sai merchant (komersiante) iha MyLoja, tenke iha lisensa komersiál, kartaun identidade hanesan Billete Identidade (BI) ka Kartaun Eleitorál, konta bankária, email ativu, númeru telemóvel ativu, inklui smartphone ne’ebé bele suporta instalasaun aplikasaun.

Aleinde ne’e Telkomcel sei fornese mós aplikasaun kona-ba ‘Timor-Leste Tourism Big Data’, ho objetivu hatene merkadu, kompetidór no kliente, atu ajuda identifika vizitante estranjeiru no doméstiku ne’ebé vizita rai-laran no destinasaun turístiku.

Daudaun ne’e, iha empreza na’in-50 halo ona rejistu, ne’ebé fa’an sasán hahú hosi ekipamentu família, roupa, nesesidade servisu, no seluk tan.

Jornalista : Arminda Fonseca 

Editora      : Julia Chatarina

iklan
iklan

Leave a Reply

iklan
error: Content is protected !!