DILI, 03 dezembru 2021 (TATOLI)– Ekipa primeira divizaun Aitana FC,iha sesta ne’e, falla rekolla pontu tolu hosi nia adversáriu Lalenok United FC ho eskore 0-1, iha jogu jornada datoluk Liga Futeból Timor-Leste (LFTL) ba iha Estádiu Munisipál Dili.
Ho rezultadu ne’e fó vantaje ba Lalenok utrapasa ba iha tabela klasifikasaun provizóriu ho pontu neen iha pozisaun dahuluk, Karketu nafatin iha pozisaun primeiru ho pontu hitu, Ponta Leste okupa segundu ho pontu neen, SLB pozisaun kuartu ho pontu haat, Assalam okupa kintu ho pontu tolu, Aitana okupa pozisaun neen ho pontu ida no DIT metin iha pozisaun ikus liu ho pontu zero.
Bainhira jogu ba ekipa rua hahú laiha halimar ba malu tanba ekipa rua lansa kedan kontra no atake ba malu tuir tékniku no abilidade ne’ebé iha.
maski nune’e, Aitana domina liu bola kompara ho Lalenok ne’ebé hala’o jogu ho ofensivu, maibé ladun iha oportunidade barak tanba liña klaran la fó suporta ho másimu.
Aitana hatudu jogu ne’ebé ho velosidade maka’as, esforsu hirak ne’e hela de’it hanesan esforu tanba la hatudu golu ruma hodi muda rezultadu.
Jogu la’o to’o minutu 44 ekipa rua sei mantein ho rezultadu 0-0, nune’e,hakur ba minutu 45+ jogadór Aitana halo falta iha liña oin Aitana fó oportunidade ba jogadór Italo Soeare Pimentel (28) mak sai hanesan ezekutadór no sutu ba rede Aitana ho velosidade ne’ebé makas halo guarda rede Yusak (30) la antesipa ho di’ak bola komsege lees rede hodi muda rezultadu ba 1-0.
Golu ne’e, mak hanesan golu ikus termina minutu primeira parte tanba laiha tan golu ruma mak akontese.
Dolar ba segunda parte ekipa rua kontinua hatudu jogu maibé udan komesa tau makas hodi halo jogu ne’e la’o ladun másimu tanba kampu laran nakonu de’it ho bee.
Aitana la lakon esperansa kontinua hatudu jogu ho velosidade maka’as, maibé la konsege halo golu ruma no sutu barak mak avansadu Edit Savio lansa barak la kona iha alvu no barak guarda rede Fagio Pereira (30) salva.
Lalenok jogu loko an iha kqmpu laran ho modelu defensivu tanba vitória iha ona sira nia liman hodi hein minutu termina save metin ona. Jogu ne’ebé Lalenok halo fó duni impaktu pozitivu tanba la fó valda ba Aitana hodi tama arbiru no halo golu.
Jornalista : Hortencio Sanchez
Editór : Florencio Miranda Ximenes
