DILI, 09 novembru 2021 (TATOLI)– Treinadór prinsipal klube primeira divizaun Assalam FC, Adu Namiruru, hateten, otimista ‘dere’ AD SLB Laulara hodi utrapasa hosi zona mean.
Jogu ekipa rua ne’e, hanesan jogu kontinuasaun primeira divizaun, Liga Futeból Timor-Leste (LFTL) ne’ebé hala’o, sesta (10/12) iha Estádiu Munisipál Dili.
“SLB hanesan ekipa ida ne’ebé forte ho nia jogadór ne’ebé barak, maibé ami otimista atu manán sira. Haree ba ami nia pontu foin mak tolu ne’ebé ba jogu aban tenke manán atubele liu ba tuur iha zona aman,” Treinadór ne’e hateten ba jornalista sira liuhosi konferensia imprensa ba iha edifisiu LFTL Dili, kinta ne’e.
Tuir planu Assalam halo formasaun di’ak hodi tau jogadór avansadu barak iha liña oin hodi prodús lalais golu.
Entretantu, ekipa SLB la partisipa iha konferensia imprensa ne’ebé organiza hosi LFTL.
Assalam halo ona jogu dahaat, hanaesan lakon da-tolu no manán dala-ida, nune’e Assalam tenke rekolla de’it pontu tolu tuir iha pozisaun da-lima iha tabela klafisikasaun. Enkunatu SLB okupa pozisaun datoluk iha tabela klasifikasaun provizóriu ho pontu neen.
Daudaun, Karketu Dili FC mak lidera provizóriu tabela klasifikasaun ho pontu 10, Ponta Leste ho pontu hitu, Lalenok pontu neen, Aitana ho pontu ida no DIT FC nafatin tur iha zona mean ho pontu zero.
Jornalista : Hortencio Sanchez
Editór : Florencio Miranda Ximenes
