iklan

BAUCAU, HEADLINE, IMAJEN, MUNISÍPIU, POLÍTIKA

Vítima mortál funu 1975-1999 iha suku Afaça na’in-758

Vítima mortál funu 1975-1999 iha suku Afaça na’in-758

Xefe suku Afaça, Joaquim Fernandes Ximenes. Imajen Tatoli/Natalino Belo.

BAUCAU, 09 dezembru 2021 ( TATOLI) –  Vítima mortál funu 1975 to’o 1999 hosi Xefe suku Afaça, postu administrativu Quelicai, munisípiu Baucau, hamutuk na’in-758 hosi uma-lisan 71.

“Dadus ami submete ona ba konsellu kombatente libertasaun nasionál munisípiu Baucau no hato’o ona ba nasionál,” Xefe suku Afaça, Joaquim Fernandes Ximenes,  ko’alia iha administrasaun munisípal, Vila Nova, kinta ne’e.

Uma-lisan 71 ne’ebé lokaliza iha suku Afaça nee’e komposta hosi aldeia Boralai iha uma lisan hamutuk 13 mate iha funu laran hahú 1975 to’o 1999 hamutuk na’in-135, aldeia Hecobuti iha uma-lisan hamutuk 26, ema ne’ebé mate hamutuk na’in-193 no aldeia Uligata uma-lisan hamutuk 32, ema-ne’ebé mate hamutuk 1999 na’in-430.

Xefe suku Afaça ne’e mos husu ba kualkér governu tau atensaun nafatin ba vítima mortál hodi harii monumentu tolu iha Quelicai hanesan iha área unidade neen, klaran no lima nune’e dignifika eroi sira.

“Balun família rekolla ona no halo-tuir lisan kultura maibé balun to’o agora seidauk hetan,” Xefe suku Afaça ne’e akresenta.

Tuir dadus suku Afaça rasik daudaun ne’e populasaun hamutuk 1.778 hosi uma-kain 490 hosi aldeia tolu kompostu hosi Boralai, Hecobuti no Uligata.

Jornalista         : Natalino Belo

Editór               : Evaristo Soares Martins

iklan
iklan

Leave a Reply

iklan
error: Content is protected !!