EDUKASAUN, EKONOMIA, HEADLINE

MESSK prevee millaun $2,5 ba liña kréditu Ensinu Superiór Kualidade+

MESSK prevee millaun $2,5 ba liña kréditu Ensinu Superiór Kualidade+

Ministru Ensinu Superiór Siénsia no Kultura, Longuinhos dos Santos. Imajen TATOLI/Francisco Sony

DILI, 10 dezembru 2021 (TATOLI)–Ministériu Ensinu Superiór Siénsia no kultura (MESSK) prevee ona orsamentu millaun $2,5 ba tinan 2022 atu implementa programa liña kréditu ba Ensinu Superiór Kualidade+, nune’e garante kualidade universidade privadu sira.

Ministru Ensinu Superiór Siénsia no Kultura, Longuinhos dos Santos, hateten, intensaun ministériu prevee orsamentu ne’e hodi fó oportunidade ba Instituisaun Ensinu Superiór (EIS) privadu sira halo kréditu hodi hadi’a kondisaun universidade nian.

“Ministériu hamutuk ho Banku Nasionál Komérsiu Timor-Leste (BNCTL, sigla portugés) konkorda fó liña kréditu ba Instituisaun Ensinu Superiór privadu sira ho 8%, signifika Governu iha obrigasaun apoiu 3% no universidade apoiu 5%, ho nune’e, universidade sira bele hadi’a infraestrutura no hasa’e kapasidade rekursu umanu liuhosi formasaun lian portugés,” Ministru dehan iha resintu Parlamentu Nasionál (PN), sesta ne’e.

Molok atu alkansa planu liña kréditu ba IES privadu sira, ministériu kria ona dekretu-lei númeru 12/2021 kona-ba liña kréditu ne’ebé hanaran Instituisaun Superiór Kualidade+, ne’ebé lejizlasaun ne’e tama ona faze diseminasaun no Banku Nasionál iha ona posibilidade hakarak aselera programa ne’e.

Notísia relevante: Governu kria liña kréditu ‘Ensinu Superiór Kualidade’

Nune’e, parte Ministériu Finansa sei responsabiliza hodi halo transferénsia ba BNCTL, nune’e bainhira kréditu hahú ona, banku bele realiza prosesu ne’e ho di’ak.

“Prosesu ba oin, parte rua sei asina nota entendimentu hodi hetan legalidade iha prosesu tuir mai,” Ministru akresenta.

Jornalista : Tomé Amado

Editora      : Julia Chatarina

iklan
iklan

Leave a Reply

iklan
error: Content is protected !!