DILI, 10 dezembru 2021 (TATOLI)—- Pesoál Saúde hosi Klínika Bairru Pité (KBP) hala’o sensibilizasaun infromasaun HIV-SIDA no hasai ran ba prizoneiru sira iha prizaun Gleno-Ermera na’in-91, atu hasa;e koñesimentu bai ha prevensaun no redúz tendénsia transmisaun moras HIV-SIDA.
Xefe Programa HIV-SIDA, Mendizio Tilman, hateten, programa sensibilizasaun no hasai raan ba prizoneiru sira hodi hala’o teste ba moras HIV-SIDA, nune’e bele proteje sira hosi moras hadaet.
“Ami realiza aktividade ne’e tanba iha tinan kotuk liubá, halo ona nota entendimentu ida ho Ministériu Saúde atu hala’o funsaun ne’ebe di’ak iha área sensinilizasaun informasaun HIV nian ba ema hotu inklui hasai ran hodi halo teste ba HIV-SIDA ni’an,’’ Xefe Programa HIV-SIDA ne’e hateten liuhosi nota empresa ne’ebé Agência TATOLI asesu, sesta ne’e.
Atividade Volunteer Confidential Counseling and testing (VCCT) ne’e atu oinsá halo teste ba prezoneiru sira liuhosi hasai sira-nia ran hodi bele identifika moras hadaet ne’ebé dala barak daet liuhosi relasaun seksuál.
Iha fatin biban hanesan, Diretór Prizaun Gleno,Nito dos Santos, hateten, atividade ne’ebé hala’o hosi pesoál saúde sira importante tebes, atu proteje sidadaun sira ne’ebé hela iha prizaun atubele moris ho saudavel.
Atividade VCCT ne’e realiza tanba hetan suporta másimu husi orsamentu Fundu Global liuhosi Ministériu Saúde no Gabinete Apoio Sosiadade Sivil.
Jornalista : Felicidade Ximenes
Editór : Florencio Miranda Ximenes
