COVALIMA, EKONOMIA, HEADLINE, MUNISÍPIU, NASIONÁL

Fulan ne’e, Timor Resources fura tan mina-matan iha posu Liurai

Fulan ne’e, Timor Resources fura tan mina-matan iha posu Liurai

Jerente Timor Resources, Filomeno de Andrade. Imajen/Celestina Teles

COVALIMA  12   Dezembru 2021 (TATOLI) – Jerente Timor Resources, Filomeno de Andrade, informa, daudaun ekipa téknika tansporta ekipamentu perfurasaun ba posu feto Liurai ne’ebè lokaliza iha aldeia Sanfuk, suku Camanasa, postu administrativu Suai-vila, munisipiu Covalima.

“Ohin ba oin, ita sei hasai ekipamentu prefurasaun hodi muda ka transporta ba posu feto Liurai iha área sanfuk atu halo perfurasaun ho bazeia estimativa hahú iha loron 22 dezembru tinan ne’e,” Jerente empresa Timor-Resources ne’e hateten ba Jornalista sira iha posu Feto Kmaus-Suai Vila, domingu ne’e.

Notísia Relevante: ANPM aprova dokumentu “Safety Case”, Kompañia Timor Resources hala’o perfurasaun

Autoridade Nasionál Petróleu no Minerál (ANPM) aprova ona dokumentu analiza seguransa indústria ‘Safety Case’ ba posu Feto Liurai no halo ona lansamentu hodi hein preparativu atu halo perfurasaun.

Tuir planu, empreza petrolífera ne’e sei halo perfurasaun durante loron haat, maibé tuir dokumentu safety case fó koiñesementu ba autoridade lokál sira, molok halo perfurasaun.

Notísia Relevante: PM Taur lansa perfurasaun mina iha Covalima

“Movimento muda ekipamentu la’ós buat foun tanba halo ona ba posu feto Kmaus, ne’ebé komunidade sira iha ona koñesimentu. Tanba ne’e husu nafatin apoia hosi autoridade lokál, lideransa sira mai ita servisu hamutuk hodi hakat ba oin,” nia sujere.

Kona-ba progresu perfurasaun feto Kmaus, Jerente ne’e informa hahú serbisu perfurasaun to’o ohin laiha asidente ruma, nune’e tempu besik sei informa nia rezultadu perfurasaun.

Durante ne’e, Timor Resources fó serbisu ba timór-oan feto no mane na’in-136 ne’ebé hala’o kna’ar no responsabilidade relasiona ho perfurasaun mina iha Covalima. 

Notísia Relevante: ANPM-Timor Gap selebra kontratu perfurasaun mina rai-maran iha munisípiu tolu

Jornalista : Celestina Teles

Editór       : Florencio Miranda Ximenes 

iklan
iklan

Leave a Reply

iklan
error: Content is protected !!