DILI, 10 janeiru 2022 (TATOLI)—Parlamentu Nasionál, segunda ne’e, aprova votu pezár númeru 2/2022 ba falesimentu Arsebispu Desmod Tutu, no ho votu ne’e hodi Parlamentu Nasionál Timor-Leste nian naran espresa sentidu kondolénsia ba familia no povu Áfrikanu do Sul tomak.
“Votu pezar ho rezultadu votasaun a-favór 56 kontra no abstensaun laiha. Nune’e, votu pezar aprova,” Prezidente Interina PN no Atual Vise Prezidente PN, Maria Angelina Sarmento Lopes, anunsiu liuhosi plenária.
Deputadu proponent ba votu pezar ne’e aprezenta hosi deputadu Jose Agostinho Sequeira ‘Somotxo’, Corneilo Gama L7, Antonio de Sa Benevides no Francisco Xavier Carlos.
Deputadu Jose Agostinho Sequeira ‘Somotxo’ hateten, votu pezar ne’e loloos la’oó proponente propoin maibé Parlamentu Nasionál nian mak aprezenta.
Bainhira sei iha funu rezisténsia iha gereilla rona hosi rádiu rona ona naran Desmod Tutu hanesan defensór povu ‘negro’ Afrika do Sul, ne’ebé hanesan figura ida ne’ebé kuñesidu interanasionál la’ós Timor-Leste de’it maibé mundu tomak.
Ba Parlamentu Nasionál ligadu funu rezisténsia hanesan iha rejiaun Áfrika do Sul hanesan líder Nelson Mandela ne’ebé hasoru malu ho Komandante Ein-Xefe Falintil Xanana Gusmão ne’ebé fó mós kontribuisaun ba Timor-Leste nia luta.
Nune’e, nia dehan, rezisténsia povu afrikanu do Sul ho Timor-leste hanesan nune’e iha fatin hodi votu pezár ba falesimentu bispu Desmod Tutu.
Desmod Tutu nu’udar defensór direitu umanu ne’ebé simu Prémiu Nobel da Paz iha tinan 1984 hanesan ativizmu kontra rejime segresaun rasiál iha Áfrika do Sul hanaran Apartheid.
Iha dekada 90, mia lidera Komisaun Verdade no Rekonsiliasaun Nasaun iha nasaun refere, iha prosesu investiga krime ne’ebé marka ho pasu krusiál durante tranzisaun Áfrika do Sul ba demokrásia. Iha nia vida tomak hanesan defensór justisa, liberdade no direitu umanu.
Arsebispu moris iha 07 outubru 1931 iha Transavaal, Áfrika do Sul, ne’ebé estuda teolojia, no primeiru Arsebispu iha sidade Cabo no Joanesburgo.
Desmod Tutu hakotu iis iha ho tinan 90, iha sidade Cabo iha Áfrika do Sul, iha loron 26 dezembru 2021.
Bispu Desmond Tutu nia hanoin no ómilia importante sira haktuir liuhosi ninia obra ka livru sira hanesan; Crying in the Wilderness, Eerdmans, 1982, ISBN 978-0-8028-0270-5; Hope and Suffering: Sermons and Speeches, Skotaville, 1983, ISBN 978-0-620-06776-8, The Words of Desmond Tutu, Newmarket, 1989, ISBN 978-1-55704-719-9; Worshipping Church in Africa, Duke University Press, 1995, ASIN B000K5WB02;
The Essential Desmond Tutu, David Phillips Publishers, 1997, ISBN 978-0-86486-346-1; No Future without Forgiveness, Doubleday, 1999, ISBN 978-0-385-49689-6; An African Prayerbook, Doubleday, 2000, ISBN 978-0-385-47730-7; God Has a Dream: A Vision of Hope for Our Time, Doubleday, 2004, ISBN 978-0-385-47784-0 no The Rainbow People of God: The Making of a Peaceful Revolution, Doubleday, 1994, ISBN 978-0-385-47546-4.
Jornalista : Nelson de Sousa
Editór : Cancio Ximenes
