BAUCAU, EKONOMIA, HEADLINE, IMAJEN, INKLUZAUN SOSIÁL, LEI, MUNISÍPIU

Komunidade kuda batar iha arredor terminál, PAM Baucau sei atua ho dekretu-lei 33/2008

Komunidade kuda batar iha arredor terminál, PAM Baucau sei atua ho dekretu-lei 33/2008

Batar ne'ebé komunidade kuda iha arreador terminál Vila Nova, Baucau. Imajen espesiál.

BAUCAU, 17 janeiru 2022 (TATOLI) – Autoridade admistrasaun munisipál Baucau lideradu Olívio ‘Bou-Lesa’ sei uza dekretu-lei númeru 33/2008, 27 agostu kona-ba Ijiente no Orden Públika hodi atua komunidade ne’ebé kuda batar iha áredor terminál Baucau.

Iha lejizlasaun ne’e la kontempla órgaun Podér Lokál, maibé iha kompeténsia típika ne’ebé presiza regulamenta orden públika ho korreta kona-ba utilizasaun bens domíniu públiku iha munisípiu sira.  Ne’e nu’udar regra bázika ne’ebé konvivénsia iha zona urbana ne’ebé estabelese hosi Governu, ne’ebé mós institui mekanismu bázika fiskalizasaun no halo impozisaun koima hosi administrasaun distritál no halo apreensaun.

Prezidente Autoridade Munisípiu Baucau, Olívio ‘Bou-Lesa’ Freitas, hateten, komunidade ne’ebé hakarak kuda batar la’ós iha arredor terminál tanba terminál fatin movimentasaun transporte públiku tantu hosi suku, postu admistrativu no munisípiu ba kapitál.

Batar ne’ebé komunidade kuda iha arreador terminál Vila Nova, Baucau. Imajen espesiál.

“Ha’u sei haruka fokit, sé mak halo to’os la’ós iha sidade laran, sidade atu asegura moos, di’ak no furak la’ós atu kuda batar ba. Tenke konsiente katak sira sala tanba viola lei númeru 33/2008, ami sei kaer ida-ne’e atu hasai sasán sira-ne’e,” PAM ko’alia iha nia kna’ar-fatin, Vila Nova, segunda ne’e. 

PAM konsidera aktu laiha responsablidade hosi komunidade sira-ne’ebé kuda batar iha fatin públiku nune’e parte autoridade sei foti medida bazea ba dekretu-lei númeru 33/2008 kona-ba ijiene no orden públika.

Autoridade Baucau mós sei foti medida atu rejista patrimóniu estadu hanesan uma sira uluk konstrui iha okupasaun Indonézia ne’ebé dadaun ne’e utiliza hosi komersiante inklui komunidade sira iha arredór terminal no merkadu vila nova, Baucau.

“Ema-ne’ebé hakarak uza tenke halo arrendamentu ruma, bainhira utiliza tenke halo kontratu ho governu, liuliu administrasaun munisipál nune’e arrendamentu tenke tama ba kofre estadu nian,” Olívio argumenta.

Daudaun ne’e iha komunidade balun ne’ebé hela besik terminál kuda batar iha arredor terminál nune’e hamosu prekupasaun hosi komunidade Baucau oan tanba konsidera terminál ba transporte públiku.

Jornalista         : Natalino Belo

Editór               : Evaristo Soares Martins

iklan
iklan

Leave a Reply

iklan
error: Content is protected !!