iklan

EKONOMIA, HEADLINE

Tratór 56 tama ona lista patrimómiu Estadu atu halo leilaun

Tratór 56 tama ona lista patrimómiu Estadu atu halo leilaun

Agrikultór suku Tapo-Memo hodi trator fila hela rai nune’e prepara prodús hare époka dahuluk iha tinan 2021. Imajen Tatoli/Sérgio da Cruz.

DILI, 18 janeiru 2022 (TATOLI)–Ministériu Agrikultura no Peska (MAP) liuhosi Diresaun Agrikultura no Ortikula submete ona lista tratór 56 ba Ministériu Finansa (MF) atu halo leilaun.

Xefe Departamentu Mekanizasaun Produsaun Alimentár no Jestaun Pos-kolleta, Suzana Constâncio Vilanova, hateten, tratór ne’ebé Governu sosa iha tinan 2006 hamutuk unidade 311.

“Hosi 311 ne’e mak atu halo leilaun unidade 56, karik empreza balu hakarak leilaun bele, la halo operasaun unidade 123, kondisaun a’at todan unidade 31, halo operasaun 89, inklui unidade 12 ne’ebé iha Rejiaun Administrativa Espesiál Oé-cusse Ambeno,” Suzana Constâncio, hateten ba Agência TATOLI, iha ninia knaar fatin Comoro, tersa ne’e.

Notísia relevante: MAP rejista tratór 294 hosi tinan 2009 ho kondisaun di’ak

Tuir Xefe Departementu, tratór sira ne’e maioria avaria tanba bainhira liu ona tinan sanulu ne’e overhauld.

“Governu halo manutensaun hotu ona maibé orsamentu ba manutensaun iha tinan 2021 ne’e oituan. Enkuantu, ba tinan ne’e orsamentu iha,” nia akresenta.

Tratór 89 ne’ebé daudaun ne’e sei halo hela operasaun mak hanesan iha munisípiu Aileu ida, Ainaro hitu, Baucau sanulu, Bobonaro ualu, Covalima 14, Dili rua, Lautém 13, Ermera haat, Liquiçá haat, Manatuto 14, Manufahi 11, no Viqueque 11.

“Ba Oé-cusse ita seidauk halo identifikasaun tanba COVID-19 maibé uluk ita fahe tratór ne’e hamutuk unidade 21, ne’ebé kona-ba a’at ka di’ak ami seidauk halo identifikasaun,” nia akresenta.

Aleinde ne’e Governu sosa tratór 311 no MAP rasik hetan apoiu tratór neen hosi parseiru internasionál sira hodi haruka ba munisípiu sira.

Jornalista : Arminda Fonseca

Editora      : Julia Chatarina

iklan
iklan

Leave a Reply

iklan
error: Content is protected !!