AILEU, EDUKASAUN, HEADLINE, NASIONÁL, POLÍTIKA

2021, Aileu-oan na’in-64 sai benefisiáriu ‘Bolsa Hakbiit’

2021, Aileu-oan na’in-64 sai benefisiáriu ‘Bolsa Hakbiit’

Ministru Ensinu Superiór, Siénsia no Kultura (MESSK), Longuinhos dos Santos. Imajen Tatoli/Egas Cristóvão

AILEU, 22 janeiru 2022 (TATOLI)— Ministru Ensinu Superiór Siénsia no Kultura (MESSK), Longuinhos dos Santos, informa, iha tinan 2021, oferese vaga Bolsa Hakbiit hamutuk 910, ne’ebé fahe ba parte rua ensinu superiór públiku hanesan Universidade Nasionál Timor Lorosa’e (UNTL) no Institutu Politékniku Betano (IPB) na’in- 500 no ensinu superiór privadu sira 410.

“Hosi numéru ne’e, Aileu-oan hamutuk 64 kompostu hosi feto 33 no mane 31, nune’e feto mak domina liu”, ho numeru ne’e feto mak aas liu. Ne’ebé Governu kria programa foun prioridade ba ita-nia oan sira ne’ebé mak mai hosi inan-aman vulneravél ka menus finansiamentu,” Ministru Longuinhos, hateten durante diálogu komunitáriu, iha salaun Rai Klaran Aileu-Vila, munisípiu Aileu, sesta ne’e.

Notísia relevante: MESSK loke vaga 1.000 programa bolsa hakbiit iha tinan 2022

MESSK identifika área pontensiál ne’ebé mak sira hala’o estudu ba hanesan agrikultura, enjenaria, turizmu, saúde no seluktan atu nune’e sira ramata sira-nia estudu bele hetan moris di’ak.

Programa ne’e hahú rekruta kandidatu hosi munisípiu, nune’e bele promove igualdade ba oportunidade.

MSSK ninia kompeténsia iha área ensinu siénsia no teknolójia no kultura inklui liga ba edukasaun no formasaun, tanba polítika VIII Governu atu investe iha ema.

Enkuantu, durante ne’e Aileu-oan hamutuk 235 mak benefisia ona bolsa estudu hosi Governu.

Notísia relevante: 2023, MESSK hakarak atinje benefisiáriu bolsa hakbiit 3.000

Jornalista : Antónia Gusmão

Editót        : Florencio Miranda Ximenes

iklan
iklan

Leave a Reply

iklan
error: Content is protected !!