DILI, EDUKASAUN, HEADLINE, NASIONÁL

Semana oin, MESSK-BNCTL asina akordu fó kréditu ba Universidade

Semana oin, MESSK-BNCTL asina akordu fó kréditu ba Universidade

Ministru Ensinu Superiór, Siénsia no Kultura (MESSK), Longuinhos dos Santos. Imajen Tatoli/ Egas Cristóvão

DILI, 22 janeiru 2022 (TATOLI)– Ministériu Ensinu Superiór Siénsia no Kultura (MESSK), kuarta (26/01), asina akordu ho Banku Nasionál Komérsiu Timor-Leste (BNCTL,sigla portugés) atu  hahú fó kréditu ba Universidade akreditadu hamutuk 16 hodi hadi’a kualidade infraestrutura no kapasitasaun rekursu umanu.

“Totál orsamentu ba liña kréditu ne’ebé MESSK prevee ona hamutuk millaun $5. Fundu sira ne’e MESSK prevee hosi tinan 2021 millaun $2,5 no tinan 2022 kontinua tan ho millaun $2,5. Hosi totál fundu ne’e, MESSK sei aseleira prosesu kréditu ba Universidade 16 iha tinan ida ne’e atu apoia hadi’a kualidade Universidade sira nian,” Ministru Ensinu Superiór Siénsia no Kultura (MESSK), Longuinhos dos Santos, hateten iha Pálasiu Governu-Dili, kuarta foin lalais ne’e.

Universidade bele asesu liña kréditu, hafoin Governu ho BNCTL asina ona akordu no kada universidade másimu bele kréditu to’o $500.000 ho ninia jurus depende ba banku, maibé obrigasaun governu nia sei responsabiliza 3% hosi kréditu ne’ebé universidade sira foti.

“Kona-ba jurus kréditu depende ba banku, maibé governu ninia obrigasaun sei responsabiliza 3%. Ezemplu ita nia universidade sira kréditu $500.000, kuandu banku fó ninia jurus 6% entaun ita responsabiliza 3% no universidade 3%,” nia akresenta

Daudaun ne’e, MESSK simu ona lista ka dadus iha universidade 16 maka posibilidade atu asesu kréditu ba tinan ida ne’e. maibé proposta ne’ebé konfirmadu ona maka Institute off Business (IOB), Institutu Dom Boa Ventura, Universidade de Dili (UNDIL), UNITAL no ETCI hodi hadi’a infraestrutura no kapasita rekursu umanu universidade nian.

Jornalista : Tomé Amado

Editór       : Florencio Miranda Ximenes

iklan
iklan

Leave a Reply

iklan
error: Content is protected !!