DILI, 10 fevereiru 2022 (TATOLI) — Tribunál distritál Dili (TDD) liuhusi desizaun númeru NUK 37/20/CV.TDD) hasai obrigatóriu komunidade ne’ebé okupa rai iha aldeia Terus Nanis, suku Comoro, postu administrativu Dom Aleixo, munisípiu Dili, kinta.
Antes ne’e tribunál notifika ona ba komunidade hirak ne’e atu obrigatoriomente hamamuk fatin ne’e maibé sira la kumpri nune’e ekipa konjunta kompostu husi guarda munisípiu Dili, akompañadu husi unidade Polísia nasionál Timor-Leste (PNTL) hanesan polísia komandu munisípiu Dili, Batallaun ordem publiku (BOP), F-FDTL, obrigatoriamente hasai sasan komunidade nian husi uma ne’ebé sira hela ba.
Produsaun Tatoli I.P ©2022
