Hatene ona ka seidauk tanbasá loron domin komemora iha loron 14 fevereiru?
Seidauk entaun, nia istória mak ne’e: Loron domin koñesidu mós nu’udar “Loron Valentim” ka “Valentine day”. Loron Valentim selebra kada tinan iha loron 14 fevereiru.
Data ne’e nu’udar referénsia ida ba padre romanu ida nia naran Valentim. Tuir referénsia oioin Valentim kondenadu ba mate iha sekúlu III, husi imperadór Cláudio II tanba oferese selebrasaun matrimóniu ka oferese kazamentu sub-subar ba soldadu solteiru sira iha tempu ne’ebá. Maibé antes mate Valentim konsege haruka no simu karta balun iha sela laran nu’udar inísiu troka karta ne’ebé mak hanaran “Valentines”.
Nasaun sira iha mundu inklui Timor-Leste liuliu foinsa’e sira komemora loron ida ne’e hanesan tradisaun ida. Iha loron ne’e alende troka prezente namoradu sira parseiru sira fó supreza ba malu. Espresa sentimentu domin husi fuan ba fuan husi neon ba neon. Oferese prezente ba malu hanesan ai-funan xokolate no prezente furak seluk.
PARABÉNS LORON DOMIN BA ITA HOTU!
Produsaun TATOLI, I.P@2022
