DILI, 18 fevereiru 2022 (TATOLI)-Vise-Ministru Administrasaun Estatal, Lino de Jesus Torrezão, sesta ne’e inaugura Uma Kbiit Laek (UKL) ba ema kbiit laek iha Suku Açu-mau, Postu Administrativu Remexio, Munisípiu Aileu.
Tuir komunikadu imprensa ne’ebé Tatoli asesu, membru governu ne’e inagura UKL tolu no sede suku ida ne’ebé harii desde 2007.
Programa konstrusaun ne’e mai-hosi Programa Nasionál Dezenvolvimentu Suku (PNDS) no mós orsamentu regulár bele hadi’a sede suku refere ho osan montante $2000 resin.
Lino de Jesus hateten inaugurasaun uma kbiit la’ek ba tinan ne’e MAE seidauk bele realiza, tanba sei prosesu verifikasaun ba dadus.
“Ita iha tan rezidénsia ba doutór sira ne’ebé propoin $39.000 ho nia balansu $4.000”, Lino hateten liuhosi komunikadu ne’ebé Tatoli asesu.
Serimónia inaugurasaun ne’e akompaña hosi Diretora PNDS, Claudinha Soares Pinto.
Jornalista : Nelia Fernandes
Editora : Rita Almeida
