iklan

EDUKASAUN, HEADLINE

Pagamentu inzensaun propina ba estudante IBTL hamutuk 80 atinje 75%

Pagamentu inzensaun propina ba estudante IBTL hamutuk 80 atinje 75%

Institutu Boaventura Timor-Leste (IBTL) . Imajen/Espesiál

DILI, 21 fevereiru 2022 (TATOLI)–Reitora Institutu Ensinu Superiór Privadu Boaventura Timor-Leste (IBTL), Quitéria da Costa, relata katak prosesu pagamentu inzensaun propina semetre par faze daruak ba estudante na’in-80 iha IBTL atinje ona 75%.

“Ministériu Ensinu Superiór Siénsia no Kultura haruka ona osan mai ami nia konta bankária no agora ami halo ona prosesu pagamentu ba estudante sira. Implementasaun pagamentu inzensaun propina semester par ba estudante na’in-80 atinje ona 75%. Prosesu pagamentu ne’e atu to’o fulan-rua ona, ne’ebé molok tama fulan-tolu bele garante atinje ona 100%,” Reitora IBTL informa ba Agência TATOLI, via telefónika, segunda ne’e.

Notísia relevante: MF realiza pagamentu inzensaun propina faze daruak ba estudante 66.106

Orsamentu ne’ebé IBTL simu hosi VIII Governu Konstitusionál atu realiza pagamentu inzensaun propina hamutuk $600.000, ne’ebé prosesu pagamentu laiha diferensa ho pagamentu faze dahuluk.

Instituisaun Ensinu Superiór sira iha loron-90 atu konklui pagamentu, hafoin aumenta tan loron-15 hodi prepara relatóriu.

“Prosesu pagamentu inzensaun propina ba Institutu Ensinu Superiór sira hanesan de’it. Ninia diferensa maka iha mudansa dadus no orsamentu, ne’ebé faze dahuluk ita-nia estudante iha na’in-123, ho orsamentu $922.500, maibé faze daruak hetan de’it estudante na’in-80 ho transferénsia orsamentu $600.000,” nia tenik.

Mudansa dadus estudante no totál orsamentu ne’ebé Governu transfere ba konta bankária IBTL nian, akontese iha prosesu pagamentu faze dahuluk, ne’ebé MESSK, liuhosi Inspetór Jerál tenke halo fali prosesu verifikasaun hodi hatene loloos dadus estudante ne’ebé iha direitu ba propina faze daruak.

Jornalista : Tomé Amado

Editora     : Julia Chatarina     

iklan
iklan

Leave a Reply

iklan
error: Content is protected !!