iklan

COVALIMA, HEADLINE

Ponte raiketan-lo’omea  kotu, husu intervensaun emerjente

Ponte raiketan-lo’omea  kotu, husu intervensaun emerjente

Ponte Raiketan iha suku Labarai, munisipiu Covalima kotu. Imajen Tatoli/Celestina Teles.

COVALIMA, 23 Fevereiru 2022 (TATOLI) – Ponte raiketan-lo´omea kotu tanba udan boot no korente mota makas, dezastre ne´e akontese iha Suku Labarai no Postu Suai Vila.

Abitante Zino da Costa husu ba Governu atu halo intervensaun emerjente tanba afeta ba movimentasaun transporte públiku no prosesu aprendezajen iha Suku Labarai EBC provisoriamente suspendidu.

“Ami husu Governu atu halo intervensaun emerjente, ponte ne’e difikulta movimentu transporte públiku no estudante sira husi Suku Labarai EBC provizoriu seidauk bele tuir prosesu aprendizajen“, dehan abitante Zino da Costa,  informa ba Tatoli iha ponte Rai-ketan, ohin.

Xefe Suku Belekasak, Leonito da Silva, hato’o ona pedidu ba ministériu relevante atu halo intervensaun urjente, nune’e komunidade sira  labele sai vítima.

“Ministériu sira tenke iha planu rasik, nune’e ita nia povu labele sai vítima ba  udan bo’ot hodi fó impaktu tanba agora komunidade sira difisil atu halo movimentasaun liuliu estudante ne’ebé mak eskola iha  suku  belekasak  EBC dais no Suai-Vila“, katak.

Nia afirma, informasaun to´o ona iha obras públika atu fó solusaun alternativa maibé parte relevante iha Covalima laiha ekipamentu atu bele halo atuasaun.

Hatan ba kestaun ne´e, Diretór servisu obras públika Munisípiu Covalima, Alberto Cardoso  klarifika,  kona-ba  kondisaun ponte rua nian hato’o ona informasaun ba nasionál.

“Ponte rua ne’e ami hato’o  ba nasionál ami mós kontaktu ona Institutu Jeral Estadu (IGE-sigla portugés) atu halo intervensaun, ita  iha munisípiu labele halo intervensaun”, hateten.

Tuir nian, obras públiku Munisípiu la iha ekipamentu pezadu tanba ne´e hato’o ona informasaun atu koloka ekipamentu pezadu hosi IGE.

Enkuntu Orsamentu Jerál Estadu 2022 ba Ministériu Obras Públika (MOP), ho montante $ 160.431.417.

Orsamentu ne’e fahe ba saláriu no vensimentu $3.113.499, bens servisu $26.086.873, kapitál menór $1.046.096, kapitál dezenvolvimentu $23.184.949, no transferénsia públika $107.000.000.

Aleinde ne’e, verba ne’ebé prevee sei finansia programa lima hanesan estrada no ponte $32.873.534, dezenvolvimentu rurál urbana $3.624.246, boa-governasaun no jestaun instituisionál $16.933.637, água no saneamentu $17.000.000 no eletresidade $90.000.000.

Jornalista : Celestina Teles

Editór : Zezito Silva

iklan
iklan

Leave a Reply

iklan
error: Content is protected !!