iklan

INTERNASIONÁL, DILI, HEADLINE

TL ho Indonézia finaliza delimitasaun fronteira terrestre iha tinan ne’e

TL ho Indonézia finaliza delimitasaun fronteira terrestre iha tinan ne’e

Embaixadór Indonezia ba Timor-Leste, Okto Dorinos Manik,entrega karta kredensiál ba Prezidente Repúblika Francisco Guterre Lú-Olo.Imajen/ Média PR

DILI, 24 fevereiru 2022 (TATOLI)— Embaixadór Indonézia ba Timor-Leste, Okto Dorinos Manik, hateten diskusaun porsesu delimitasaun fronteira terrestre Timor- Leste no Indonézia finaliza iha tinan ne’e.

“Molok ne’e, nasaun rua nia ekipa hasoru malu ona, hasoru malu ikus mak tama tinan Covid-19 hodi paradu to’o ohin loron, loloos diskusaun ramata ona tanba hela uitoan de’it ona, ne’ebé ita haree iha tinan ne’e parte rua bele haree atu finaliza,” Embaixadór Indonézia ne’e hateten  ba Jornalista-sira iha edífisiu Sekretáriu Estadu Juventude no Desportu (SEJD)-Lecidere, kinta ne’e.

Notísia relevante: Negosiasaun Fronteira Terrestre TL-RI Sei Sai Ezemplár Ba Mundu

Molok ne’e, Ministra Negosiu Estranjeiru no Kooperasaun (MNEK) Adaljiza Albertina Xavier Reis Magno, hateten, diskusaun prosesu delimitasaun fronteira terrestre entre Timor-Leste no Indonézia kontinua paradu tanba pandemia Covid-19.

Nune’e, ekipa Timor-Leste hein númeru COVID-19 tuun iha Indonézia hafoin bele deside oráriu hodi hasoru malu hodi kontinua diskusaun ba kestaun ne’e.

Entretantu, Xefe Negosiadór Prinsipál Timor-Leste, Kay Rala Xanana Gusmão, antes ne’e ho Ministru Koordenador ba Asuntu Polítika no Defeza Wiranto ho Ministru Negosiu Estranjeiru no Kooperasaun Indonézia Rento Marsudi asina ona nota aseitasaun ba finalizasaun fronteira terrestre.

Liuhosi asinatura aseitasaun ne’e konsege finaliza ona fronteira terrestre iha segimentu rua hanesan Noelbesi-Citrana no Bijael Sunan-Oben. Área Noelbesi-Citrana hanesan fronteira ho Kupang Nusa Tengara Timur (NTT) no Oé-Cusse Ambeno hanesan parte Timor -Leste nian.

Nune’e mós, Bijael Sunan-Oben hanesan fronteira Tengah Utara ne’ebé sai parte hosi NTT no Oé-Cusse Ambeno ho medida ektare 142,7.

Notísia Relevante:  Finaliza Tiha Akordu Fronteira Terrestre, TL-RI Kontinua Ba Diskusaun Marítima

Jornalista: Hortencio Sanchez

Editór      : Florencio Miranda Ximenes

iklan
iklan

Leave a Reply

iklan
error: Content is protected !!