DILI, 03 fevereiru 2022 (TATOLI)-–Ministériu Saúde (MS) relata evolusaun COVID-19 iha kinta ne’e, ne’ebé rejista detetadu foun haat, rekuperadu 59 no ativu 316.
“Nune’e, hahú hosi loron 22 marsu 2020 to’o 03 marsu 2022, iha kumulativi kazu konfirmadu 22.736 no óbitu 129,” Koordenadora Jerál Surtu COVID-19 hosi Ministériu Saúde, Odete da silva, relata liuhosi nota Agência TATOLI asesu.
Hosi horiseik mai ohin, Laboratoriu Nasionál Saúde halo teste Polymerase Chain Reaction (PCR) hamutuk 158, kompostu vijilánsia sentinela laiha, rastreiu ba kontaktu 10, rastreiu aleatóriu 79, viajen internasionál 61, follow up iha kuarentena ualu.
Notísia relevante: COVID-19: óbitu ida no pozitivu 16
Alende ne’e, total PCR ne’ebé halo iha loron 02 marsu 2022 iha munisípiu sira seluk, Rejiaun Administrativa Espesiál Oé-cusse Ambeno (RAEOA) no Hospital Nasional Guido Valadares (HNGV) hamutuk 99, kompostu hosi Baucau laiha, Ermera laiha, Bobonaro sia, Viqueque laiha, Maubisse laiha, RAEOA lima, Covalima 22, Lautem laiha, Manufahi laiha HNGV 63 no Vera Cruz laiha.
Aleinde ne’e, populasaun elijível tinan 18 la leten ne’ebé simu ona vasina to’o iha loron 19 fevereiru 2022, tuir sistema informasaun saúde, hanesan kumulativu doze dahuluk iha Dili 94,6% no kumulativu doze daruak 83%.
Enkuantu, sidadaun iha territóriu nasionál ne’ebé simu ona vasina doze dahuluk 84,8% no doze daruak 71,9%.
Hosi insidénsia COVID-19 iha Timor-Leste durantre loron hitu ikus mak 1,6/100 mill abitante.
Iha loron 03 marsu 2022, izolamentu Vera Cruz, Lahane, HNGV, no fatin sira seluk iha territóriu laran tomak, halo tratamentu ospitalizadu ba kazu detetadu pozitivu rua, baixa ho COVID-19 hamutuk rua, no baixa tanba COVID-19 laiha.
Jornalista : Arminda Fonseca
Editora : Julia Chatarina
