DILI, LEI, POLÍTIKA

PN sei halo re-apresiasaun ba estatutu majistradu judisiál

PN sei halo re-apresiasaun ba estatutu majistradu judisiál

Deputadu Joaquim Dos Santos, Imajen Tatoli/Antonio Goncalves.

DILI, 04 marsu 2022 (TATOLI)—Parlamentu Nasionál, sei halo re-apresiasaun foun ba dekretu PN númeru 54V (3ª) ne’ebé aprova estatutu majistradu judisiál tanba antes ne’e hetan veta hosi Prezidente Repúblika.

Notísia Relevante: Prezidente Repúblika veta dekretu hosi PN kona-ba estatutu majistradu judisiál

“Meza Prezidente Parlamentu Nasionál ajenda ona iha loron 07 marsu ne’e sei diskute re-apresiasaun foun iha plenária ba dekretu PN ne’ebé aprova estatutu majistradu judisiál antes ne’e hetan veta hosi Prezidente Repúblika,” Prezidente Komisaun A trata asuntu Justisa no Konstituisional, Joaquim dos Santos, hateten ba Agéncia Tatoli iha Parlamentu Nasionál, sesta ne’e.

Xefe Estadu veta polítiku ba kestaun administratiu iha observasaun hamutuk  artigu 14, nune’e  komisaun halo ona proposta 11 atu bele diskute fali artigu hirak ne’e iha apresiasaun foun.

“Ba proposta artigu sira-ne’e ha’u ladun lembra maibé sei aprezenta iha reuniaun plenária hodi diskute,” nia hateten.

Enkuantu, proposta lei númeru 24/V(3ª) Estatutu Ministériu Públiku ko’alia kona-ba organizasaun internu Ministériu Públiku (MP) nian hahú hosi definisaun jerál ba to’o norma tranzitória, halo asimilasaun ho lei organizasaun judisiáriu ne’ebé foin aprova no ajusta mós estatutu majistradu judisiál tanba organizasaun rua ne’e parelelu.

Organizasaun ne’e ida-idak hala’o nia funsaun bainhira konstitui Tribunál atu julga kazu hanesan iha juiz ne’ebé kompeténsia aas liu, no prokuradór nu’udar akuzadór no defensória hanesan defeza, nune’e lei ne’e rekuñese kompeténsia MP nian tuir akuzasaun tuir konstituisaun ho lei.

“Tanba ne’e konteúdu ka substánsia ita aprova lei normativu ba estatutu Ministériu Públiku hanesan organizasaun la’o paralelu ho organizasaun majistradu judisiál,” nia hateten.

Tanba ne’e, nia dehan, atu regula majistradu MP no majistradu judisiál nian importante organizasaun rua diferente maibé iha paralelu sistema justisa.

Proposta lei kona-ba Estatutu Ministéiru Públiku iha kapítulu VIII no artigu 310.

Proposta ne’e iha Títulu I (Estrutura, funsaun no rejime intervensaun), Kapítulu I (Estrutura no Funsaun), ne’ebé regula artigu hamutuk hitu.

Kapítulu II (Reprezentasaun no Rejime Intervensaun), sesaun I (Prinsípiu no dispozisaun jerál) ne’ebé regula artigu hamutuk 10.

Títulu II (Órgaun no majistradu Ministéiru Públiku), Kapítulu I (Dispozisaun jerál), ne’ebé regula artigu hamutuk haat.

Kapítulu II (Prokuradór Jerál Repúblika), sesaun I (Estrutura no kompeténsia), ne’ebé regula artigu hamutuk 80.

Kapítulu III (Prokuradória Repúblika Rekursu), sesaun I (Sede, jurisdisaun no kompeténsia), ne’ebé regula artigu hamutuk sia.

Kapítulu IV (Prokuradória Repúblika Primeira Instánsia), sesaun I (Estrutura no kompeténsia), ne’ebé regula artigu hamutuk sia.

Kapítulu V (Prokuradória Repúblika Administrativa no Fiskál), sesaun I (Dispozisaun jerál), ne’ebé regula artigu hamutuk lima.

Parte II (Majistradu Ministéiru Públiku), Kapítulu I (Kompozisaun, funsaun no estatutu), ne’ebé regula ho artigu hamutuk neen, kapítulu II (Devér, direitu no inkompatibilidade majistradu), sesaun I (Devér no inkompatibilidade), regula ho artigu hamutuk 37, kapítulu III (Avaliasaun) ho artigu sia.

Kapítulu IV (Ingresu, progresaun no dezenvolvimentu iha karreira provimentu), sesaun I (Rekrutamentu no asesu), subsesaun I (Disposizaun jerál), regula ho artigu hamutuk 30, kapítulu V (Aposentasaun, jubilisaun, sesasaun no suspensaun funsaun), regula ho artigu hamutuk 10.

Kapítulu VI (Antiguidade no Disponivilidade), regula ho artigu hamutuk sia. Kapítulu VIII (Rejime disiplinar), sesaun I (Dispozisaun jerál), regula ho artigu hamutuk 37.

Hosi proposta lei ne’e previstu iha artigu 2 funsaun Ministéiru Públiku reprezenta Estadu, exerse asaun penál, asegura defeza menór no inkapazes, defende legalidade demokrátika no promove kumprimentu lei iha konstituisaun, prezente Estatutu lei.

No iha artigu 3, subliña MP konstitui majistratura ierarkia organizadu, subordinadu hosi Prokuradór Jerál Repúblika, no MP goza autonomia iha relasaun orgaun podér sentrál, rejionál no munisipál, iha termu prezente Estatutu.

Iha artigu ne’e hateten, autonomia MP karáteriza hosi existénsia mekanizmu Governu propriu, hosi vinkulasaun kriteira legalidade, isensaun no objetividade, hanesan hosi eskluziva sujeisaun ba majistradu Ministériu Públiku diretiva, orden no instrusaun prevista iha prezente Estatutu no MP goza nia autonomia administrativa, finanseira no patrimoniál.

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!