NASIONÁL, POLÍTIKA

STAE komunika ona MNEK halo preparasaun ba fatin votasaun iha diáspora

STAE komunika ona MNEK halo preparasaun ba fatin votasaun iha diáspora

Diretór Jerál STAE, Acilino Manuel Branco. Imajen TATOLI/Egas Cristóvão

DILI, 09 marsu 2022 (TATOLI)—Diretór Jerál Sekretaraidu Tékniku Eleitorál (STAE), Acilino Manuel Branco, hateten STAE komunika ona ho Ministru Negósiu Estranjeiru no Kooperasaun (MNEK) atu kontinua apoia no halo preparasaun ba fatin votasaun iha diáspora liu-liu iha Austrália.

Notísia Relevante: Eleisaun Prezidensiál 2022 iha Austrália sei hein desizaun hosi TR

“Ita komunika ona ba Vise-Ministru Negósiu Estranjeiru no Kooperasaun katak tenke kontinua fó apoiu STAE atu komunika embaixada iha Canberra-Austália atu kontinua halo preparasaun iha ne’ebá to’o ekipa téknika transporta materiál eleisaun nian ba Austália,” Acilino Branco hateten ba Agência TATOLI, iha resintu Palásiu Governu, kuarta ne’e.

Tuir planu, iha loron 14 fulan-marsu tinan 2022 ne’e, Governu Timor-Leste sei transporta materiál eleisaun ba iha diáspora liu-liu iha Austália, tanba embaixada iha Canberra informa katak voo hosi país seluk tama normal ona.

“Ita simu informasaun hosi ita-nia embaixada iha Canberra katak voo hosi país seluk tama normál ona tanba ida-ne’e mak ita ajusta ho ita-nia kalendáriu ne’ebé ita sei transporta materiál ba diáspora iha loron 14 marsu, nunue’e ita halo preparasaun di’ak liután,” nia dehan.

Se to’o tempu atu transporta materiál eleisaun ba diáspora mak voo mai Dili ba Austrália defisil uitoan entaun altenativu seluk mak tenke liuhosi fronteira depois sei liuhosi Indonézia.

“Ita esforsu nafatin atu garante sidadaun sira iha estranjeiru liu-liu iha Austrália ne’ebá ne’e tenke ezerse sira-mia votu,” nia dehan.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!