iklan

DILI, ELEISAUN, HEADLINE

Horta manán iha suku Metiaut ho votu 488

Horta manán iha suku Metiaut ho votu 488

Kontajen votu iha sentru votasaun iha suku Motael. Imagem Tatoli/António Dasiparu.

DILI, 19 marsu 2022 (TATOLI) – Kandidatu Prezidente Repúblika períodu 2022-2027 ho númeru sorteiu 14, José Ramos Horta, manán ho votu 488 iha suku Metiaut – iha sentru votasaun Eskola Bázika Filiál hamutuk 271 no sede suku 217.

Iha sentru rua ne’e kandidatu Xefe Estadu, Lere Anan Timur, hetan votu 184, Francisco Guterres Lú Olo 156, Mariano Assanami Sabino 129 no Armanda Berta dos Santos 48.

Relasiona ho kandidatu independente hanesan Maria Helena Lopes Pires konta ho totál votu sanulu, Hermes Correia Barros neen, Isabel da Costa Ferreira 16 no Maria Ângela Freitas da Silva. Rogério Tiago Lobato, Anacleto Bento Pereira, Antero Bendito da Silva, Constâncio Pinto no Martinho Gusmão hetan votu husi lima mai kraik ba kada kandidatu.

Tuir kontajen husi ofisiál eleitorál, totál nulu hamutuk 15, branku haat, reklamadu no rezeitadu zero.

Sentru votasaun rua iha suku Metiaut hetan observasaun husi observadór nasionál, internasionál, fiskál husi kandidatu sira, brigadista, ofisiál eleitorál husi Sekretariadu Tékniku Administrasaun Eleitorál no Komisaun Nasionál ba Eleisaun (CNE, sigla portugés) no hetan seguransa másima husi Polísia Nasionál Timor-Leste (PNTL).

Totál votante husi sentru votasaun iha suku Metiaut hamutuk 1.309.

Sekretariadu Tékniku Administrasaun Eleitorál (STAE) rejista 859.613 eleitór elejível iha territóriu nasionál no diáspora – 852.500 rejista iha nível nasionál no 7.113 iha estranjeiru.

Notísia relevante: Horta otimista alkansa vitória iha eleisaun prezidensiál

Jornalista: Isaura Lemos de Deus

Editora: Maria Auxiliadora

iklan
iklan

Leave a Reply

iklan
error: Content is protected !!