AILEU, ELEISAUN, HEADLINE, MUNISÍPIU, NASIONÁL, POLÍTIKA

Ramos Horta manán iha Munisípiu Aileu ho votu 16.431, Lú Olo segundu lugar

Ramos Horta manán iha Munisípiu Aileu ho votu 16.431, Lú Olo segundu lugar

Ekipa CNE, STAE, PNTL no fiskais husi Munisípiu Aileu foto hamutuk hafoin remata apuramentu. Foto Tatoli/Mirandolina Barros Soares

AILEU, 20 marsu 2022 (TATOLI)—Kandidatu Prezidente Repúblika períodu 2022-2027 ho númeru sorteiu 14, José Ramos Horta, manán iha munisípiu Aileu ho votu 16.431 no  Kandidatu Francisco Guterres Lú Olo segundu lugar iha Sentru Votasaun 73 no Estasaun Votu 80.

Iha munisípiu Aileu segundu lugar hetan husi kandidatu Francisco Guterres Lú Olo ho votu  4.760, Armanda Berta dos Santos (2.848), Mariano Assanami Sabino Lopes (1.737), Lere Anan Timur (616), Martinho Gusmão (264), Isabel da Costa Ferreira (257), Anacleto Bento Pereira (214), Constância Pinto (166), Maria Elena Lopes de Jesus Pires (158), Felizberto Araújo Duarte (148), Hermens da Rosa Correira Barros (100), Virgílio da Silva Guterres (82), Rogeiro Tiago Lobato (79), Antero Bendito da Silva (52) no  Maria Angela Freitas (29).

Tuir kontajen hosi ofisiál   Sekretáriadu Tékniku Adminitrasaun Eleitorál (STAE) munisípiu Aileu, rejista totál votu nulu 526, branku (134), reklamadu ha’at (4) no rezeitadu laiha.

Munisípiu Aileu iha Sentru votasaun 73 ho estasaun votu 80, hetan observasaun hosi fiskál kandidatu sira, Komisaun Nasionál Eleisaun (CNE, siglá portugés), no hetan seguransa másimu hosi Polísia Nasionál Timor-Leste (PNTL).

Sekretariadu Tékniku Administrasaun Eleitorál (STAE) rejista total 852.500 eleitór  iha territóriu nasionál  no diaspora 7.113.

Total 852.500 eleitór  iha territóriu nasionál  ne’e mak husi munisípiu Dili iha eleitór 190.710,  Aileu (33.603), Ainaro (45.833),  Baucau (96.207), Bobonaro (70.283), Covalima (47.807),  Ermera (82.714), Lautém  (48.012), Liquiça (50.987), Manatuto (35.603), Manufahi (40.825), Viqueque  (58.421) no RAEOA iha eleitór 51,495.

Eleitór  iha  territóriu diaspora ho total 7.113 mak husi  Australia ho total eleitór  1.487, Koreia do Sul  (1.277), Englaterra (2.229), Irlandia do Norte (1.264) no 856 eleitór rejista iha Portugal.

Jornalista : Mirandolina Barros Soares

Editorá      : Armandina Moniz

iklan
iklan

Leave a Reply

iklan
error: Content is protected !!