ERMERA, 21 marsu 2022 (TATOLI) – Iha munisípiu Ermera, eleitór hamutuk 17.228 ka (20.91%) mak la partisipa iha Eleisaun prezidensiál, iha loron 19 marsu liubá, refere dadus ofisiál Sekretariadu tékniku administrasaun eleitorál (STAE) munisípiu Ermera.
Dadus ofísiál publika husi STAE fó-sai katak eleitór iha munsipiu Ermera hamutuk 87.714. Husi númeru ne’e, 333 eleitór deside hodi tuir eleisaun iha sentru votasaun paralelu Dili, ho nune’e eleitór iha munsipiu Ermera tuun ba 82.381.
Husi númeru eleitór 82.381, totál hamutuk 65.153 ka (79.09%) mak partisipa iha eleisaun, enkuantu 17.228 ka (20.91%) la tuir eleisaun.
Husi votante sira ne’e, STAE rejista votu nulu hamutuk 1.386 ka (2.13%), votu branku hamutuk 398 ka (0.61%), votu reklamadu hamutuk 53 ka (0.08%), votu rezeitadu 8 ka (0.01%) no votu válidu hamutuk 63.306 ka (97.17%).
Munisipiu Ermera laran tomak iha sentru votasaun 115, no estasaun hamutuk 135.
Rezultadu apuramentu eleisaun prezidensiál munisipiu Ermera sei aprezenta ba STAE nasionál iha segunda (21/03).
“Ohin ita sei ba aprezenta rezultadu apuramentu eleisaun prezidensiál périodu 2022-2027 iha munisípiu Ermera ba sentru apuramentu nasionál,” Eduardo Casimiro de Deus, nu’udar Diretór STAE munisípiu Ermera ba jornalista sira, hafoin asina akta apuramentu nasionál entre STAE, CNE, Fiskais kandidatus 16, iha sede STAE, Ermera, Gleno, segunda ne’e.
Tuir rezultadu apuramentu ba eleisaun prezidensial iha munisipiu Ermera, kandidatu prezidente José Ramos Horta okupa fatin dahuluk ho totál votu hamutuk 37.600 (59.39%), Francisco Guterres ‘Lú Olo’ okupa fatin da-ruak ho totál votu 9.572 (15.12%), Armanda Berta dos Santos okupa fatin da-tolu ho totál votu hamutuk 4.750 ka (7.50%), Mariano Assanami Sabino Lopes okupa fatin da-ha’at ho votu hamutuk 3.935 ka (6.22%).
Enkunatu, kandidatu Anacleto Bento Ferreira hetan mós votu signifikativu iha munisípiu Ermera ho totál votu 3.170 ka (5.01%), no kandidatu Tito da Costa Cristovão ‘Lere Anan Timur’ hetan votu 1.091 ka (1.72%).
Entertantu, votu husi kandidatu sira seluk iha munisípiu Ermera la to’o rihun ida, hanesan, Martinho Germano da Silva Gusmão hetan votu 863 ka (1.36%), Hermes da Rosa Correia Barros hetan votu 570 ka (0.90%), Felizberto Araújo Duarte hetan votu 372 ka (0.59%), Costancio da Conceição Pinto ‘Terus’ hetan votu 306 ka (0.48%), Rogério Tiago de Fátima Lobato hetan votu 287 ka (0.45%), Isabel da Costa Ferreira hetan votu 243 ka (0.38%), Maria Helena Lopes de Jesus Pires hetan votu 173 ka (0.27%), Virgilio da Silva Guterres ‘Lamukan’ hetan votu 146 ka (0.23%), Antero Benedito da Silva hetan votu 140 ka (0.22%) no Maria Angela Freitas da Silva hetan votu 88 ka (0.14%).
Prosesu apuramentu tomak asisti direta husi fiskais kada kandidatu 16, CNE munisípiu Ermera, brigadista STAE, observadór Uniaun Europeia nain rua, no hetan apoiu seguransa másimu husi Polisia Nasionál Timor-Leste (PNTL).
Rezultadu provizóriu apuramentu finál eleisaun prezidensiál périodu 2022-2027 munisípiu Ermera:
- Isabel da Costa Ferreira 243 (0.38%)
- Hermes da Rosa Correia Barros 570 (0.90%)
- Maria Angela Freitas da Silva 88 (0.14%)
- Rogério Tiago de Fátima Lobato 287 (0.45%)
- Anacleto Bento Ferreira 3.170 (5.01%)
- Francisco Guterres ‘Lú Olo’ 9.572 (15.12%)
- Maria Helena Lopes de Jesus Pires 173 (0.27%)
- Tito da Costa Cristovão ‘Lere Anan Timur’ 1.091 (1.72%)
- Armanda Berta dos Santos 4.750 (7.50%)
- Antero Benedito da Silva 140 (0.22%)
- Costancio da Conceição Pinto ‘Terus’ 306 (0.48%)
- Virgilio da Silva Guterres ‘Lamukan’ 146 (0.23%)
- Martinho Germano da Silva Gusmão 863 (1.36%)
- José Ramos Horta 37.600 (59.39%)
- Felizberto Araújo Duarte 372 (0.59%)
- Mariano Assanami Sabino Lopes 3.935 (6.22%)
Jornalista: Filomeno Martins
Editor: Rafy Belo
