DILI, 23 marsu 2022 (TATOLI)—Governu liuhosi reuniaun Konsellu Ministru, kuarta ne’e, delibera ona hodi aprova Planu Lejizlativu Governu ba tinan 2022, ne’ebé proposta ne’e aprezenta hosi Ministru Prezidénsia Konsellu Ministru, Fidelis Manuel Leite Magalhães.
“Planu lejizlativu ne’e elabora ona tuir proposta ne’ebé submete hosi membru Konsellu Ministru sira no konsiste iha previzaun hosi intervensaun lejizlativa Governu no prioridade sira, ne’ebé fahe tuir setór sira ba tinan 2022,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun ezekutivu, iha Palásiu Governu.
Notísia relevante: KM aprova planu lejizlativu Governu tinan 2021
Portavós Governu ne’e dehan, planu lejizlativu ne’e hanesan instrumentu ne’ebé konsagra ona hodi hadi’a kualidade atividade lejizlativa Governu, ne’ebé sai hanesan giaun ida ba inisiativa legál sira ne’ebé Governu sei halo iha tinan ne’e.
Jornalista : Antónia Gusmão
Editora : Julia Chatarina
