COVALIMA, DILI, ELEISAUN, ERMERA, MUNISÍPIU, NASIONÁL, POLÍTIKA

TR la autoriza aumenta loron, aban CNE tenke konklui apuramentu nasional  

TR la autoriza aumenta loron, aban CNE tenke konklui apuramentu nasional   

Vise-Prezidente CNE, Domingos Barreto. Imajen Tatoli

DILI, 24 marsu 2022 (TATOLI)- Vise Prezidente Komisáriu Komisaun Nasionál ba Eleisaun (CNE, sigla portugés), Domingos Barreto hateten, CNE aban (sesta, 25/03) tenke konklui apuramentu nasional, tanba Tribunal Rekursu (TR) la autoriza atu aumenta tan loron ba apuramentu.

“Ami sei halo esforsu másimu iha kalan ne’e ba munisípiu rua no RAEOA. Aban urnas hosi Austrália to’o mai tenke haree reklamadu, no nulu ne’e hira nune’e bele konklui hotu. Tanba, tuir prosedimentu legál tenke konklui iha oras 72 nia laran.  Ami mos haruka karta ba Tribunál Rekursu atu aumenta tan loron ba apuramentu, maibe TR  deside labele no la autoriza. Tanba tuir lei tenke termina iha oras 72 nia laran,”  Domingos Barreto dehan ba Agência Tatoli, iha salaun CNE Caicoli, Dili, kinta kalan ne’e.

Nia isplika, CNE ohin kalan tenke konklui tan apuramentu ba munisípiu tolu, hanesan Dili, Ermera, Covalima  no munisípiu Manatuto foin atu konklui iha prosesu apuramentu.

“Desde horibainrua to’o mai ohin. Liuliu loron ohin nian ita konklui tan apuramentu ba munisípiu tolu. Ho nune’e  daudaun ne’e munisípiu sanulu mak konklui ona hela munisípiu, rua hanesan Viqueque ho  Manufahi, inklui  Rejiaun Administrativa Esprsiál Oé-Cusse Ambeno (RAEOA),” Vise Prezidente Komisáriu CNE ne’e hateten.

Nia dehan, munisípiu rua inklui RAEOA ne’ebé seidauk ne’e, CNE sei halo esforsu ho másimu ohin kalan ou aban dadersaan tenke termina.

Tanba, nia hatutan CNE tenke termina prosesu apuramentu to’o aban tuku 14:00 OTL. Tanba iha aban, proses apuramentu kompleta ona loron tolu ( 72 oras) nia-laran tuir lei eleitorál.

Iha apuramentu verikasaun kinta kalan, munisípiu haat ne’ebé konklui hanesan, Dili ho votu válidu 145.683 (98.59%) no  nulu 1.526, Ermera, 43.331 (98.06%) no nulu 606,   Covalima  35.767 (98.41%) no nulu 359, enkuantu munisípiu Manatuto iha prosesu konklui nia laran.

Jornalista  : Arminda Fonseca

Editora       : Armandina Moniz

iklan
iklan

One Comment

  1. Agradese ba ,Serbisu CNE..MIAIBE atu afirma katak tanba Saida mak vomtantes barak mak la vota?
    No Lei ida Tinan nee mosu Oin selukhosi CNE.
    ema Lao rai bele vota maibe EMA sidadaun Nia labele vota fali…oinsa viola Lei Eleitoral sira !

Leave a Reply

iklan
error: Content is protected !!