BOBONARO, COVID-19, HEADLINE, MUNISÍPIU, SAÚDE

Minstru Longuinhos alerta populasaun Bobonaro simu vasina

Minstru Longuinhos alerta populasaun Bobonaro simu vasina

Ministru Ensinu Superiór, Siénsia no Kultura, Longuinhos dos Santos. Imajen Tatoli/Sérgio da Cruz.

BOBONARO, 28 marsu 2022 (TATOLI) – Ministru Ensinu Superiór, Siénsia no Kultura, Longuinhos dos Santos, husu populasaun munisípiu Bobonaro atu kontribui programa governu hodi simu vasina Covid-19 nune’e bele hasa’e imunidade isin luta kontra pandemia COVID-19.

“Ha’u lori Oitavu Governu Konstituisionál nia naran hakarak alerta ba komunidade sira iha Bobonaro tomak nafatin kontinua halo vasinasaun, sira-ne’ebé mak seidauk simu vasina, favór ida kontinua simu, no doze primeiru kontinua ba doze segundu no ba terseiru tanba moras ida-ne’e perigozu no afeta ba ita-nia vida,” nia hateten iha ámbitu inagurasaun sentru komunitária aprendizajen kuda ulun Bobonaro, suku Holsa, segunda ne’e.

Alende ne’e ezekutivu ne’e dehan komunidade sira presiza kumpre nafatin medida prevensaun Covid-19 ne’ebé Organizasaun Mundiál Saúde (OMS) fó-sai ona hanesan uza máskara beibeik iha fatin públiku, fase liman beibeik ho sabaun no kontinua prátika distansiamentu sosiál.

Maibé to’o agora meta ne’ebé governu hakarak populasaun iha teritoriu laran tomak 80% tenke simu hotu vasina Covid-19, infelismente taxa kobertura vasinasaun munisípiu Bobonaro nafatin ukupa segundu lugár persentajen kiik liu munisípiu 11 tanba polulasaun idade 18 ba leten ho komorbilidade ne’ebé elijivel atu simu vasina doze dahuluk  foin atinje79,7% no doze daruak 57,7%.

Jornalista   : Sérgio da Cruz

Editór         : Evaristo Soares Martins

iklan
iklan

Leave a Reply

iklan
error: Content is protected !!