EDUKASAUN, HEADLINE

Prezidente IGE, I.P: “halo morru protesaun kompeténsia DNEPCC”

Prezidente IGE, I.P: “halo morru protesaun kompeténsia DNEPCC”

Prezidente IGE, I.P, Ermenegilda da Costa Laurentina. Imajen/MOP

DILI, 28 marsu 2022 (TATOLI)—Prezidente Institutu Jestaun Ekipamentu, Institutu Públiku (IGE, I.P, sigla portugés), Ermenegilda da Costa  Laurentina, hateten, nia parte seidauk hetan informasaun relasiona atu harii morru protesaun hodi satán mota besik Eskola Ensinu Sekundáriu Tékniku Vokasionál (ESTV) Hera no no komunidade nia uma.

“Hosi parte IGE, I.P rasik seidauk iha informasaun, maibé karik atu halo morru protesaun ba mota sira, ne’e loloos Diresaun Nasionál Estrada Ponte Kontrolu Cheia (DNEPCC, sigla portugés) nia responsável,” Prezidente institutu hateten ba Agência TATOLI, iha salaun Ministériu Obra Públika (MOP), Caicoli, segunda ne’e.

Notísia relevante: DNIE sujere MOP harii morru protesaun besik eskola iha Hera

Tuir Ermenegilda, parte IGE, I.P halo de’it normalizasaun mota ne’ebé besik Eskola ESTV ne’e.

“Ami bele apoiu iha sá orsa de’it bele. Maibé karik iha prosesu konkursu ruma ba morru protesaun ne’e to’o iha ne’ebé ona no karik sei iha prosesu dezeñu, no preprasaun hotu iha DNEPCC,” nia akresenta.

Antes ne’e, iha segunda (21/02) akontese udan-boot no inundasaun ne’ebé mota tuun ho volume maka’as konsege sobu sala aula ida ho hariis fatin Eskola ESTV Hera.

Tanba ne’e iha momentu ne’ebá kedan Dirijente ESTV Hera hola inisiativa rasik suspende atividade aprendizajen estudante 175 tanba eskola tama iha kondisaun risku dezastre naturál.

Jornalista : Arminda Fonseca

Editora     : Julia Chatarina

iklan
iklan

Leave a Reply

iklan
error: Content is protected !!