iklan

JUSTISA, COVALIMA, HEADLINE

Covalima-Komputadór avaria difikulta tratamentu BI

Covalima-Komputadór avaria difikulta tratamentu BI

Komputadór hasai foto sidadaun trata BI avaria ,Imajen tatoli,Celestina Teles.

COVALIMA, 29  marsu 2022 (TATOLI) – Servisu Rejistu Sivíl no Notariadu labele atende públiku tanba komputadór la funsiona hodi trata Billete Identidade (BI) ema nian, maibé notariadu halo karta akompañamentu atu bele trata iha Munisípiu Ainaro.

“Ami la halo atendimentu ba sidadaun ne’ebé atu halo Billete identidade komesa iha marsu nia laran tanba komputadór avaria. ami halo karta akompañamentu ba sidadaun sira hosi Covalima hasai foto iha  SRCN munisípiu ainaro hamutuk 127 ”, Diretór SRCN Covalima, António Sarmento, ba Tatoli iha nia kna’ar fatin, Santa Rosa, ohin.

Sarmento hatutan, SRCN haruka ona kumputadór ne´ebé aat ona ba  Diresaun Jerál Notariadu iha Dili atu hadia no komputadór di’ak ona, iha semana ne’e transporta ona mai Covalima hodi halo fali funsionamentu servisu ne´ebé normál.

Rekorda katak durante janeiru sidadaun ne’ebé trata BI hamutuk na’in-141 no iha fevereiru sidadaun trata BI hamutuk 1, 298. Enkuantu sidadaun ne´ebé trata Sertidaun RDTL iha janeiru hamutuk 716, halo ratifikasaun ba Sertidaun RDTL 23, Sertidaun Kazamentu tolu no óbitu nain-ualu. Entretantu iha fevereiru sidadaun sira ne´ebé trata Sertidaun RDTL 803, ratifikasaun 29, kazamentu haat no óbitu hitu.

Jornalista : Celestina Teles

Editór : Zezito Silva.

 

iklan
iklan

Leave a Reply

iklan
error: Content is protected !!