BAUCAU, COVID-19, HEADLINE, MUNISÍPIU, SAÚDE

Eskola 123 iha Baucau partisipa ona kampaña Pfizer

Eskola 123 iha Baucau partisipa ona kampaña Pfizer

Estudante sira partisipa kampaña vasinasaun tipu Pfizer iha EBS Tirilolo Baucau. Imajen Tatoli/Natalino Belo.

BAUCAU, 04 marsu 2022 (TATOLI) – Servisu saúde munisipál vasina Pfizer ba estudante hamutuk na’in-13.945 hosi totál eskola 123 iha Munisípiu Baucau.

Ofisiál Programa promosaun Edukasaun Saúde ba Vasina Pfizer Baucau, Abrão Pinto hateten alvu ba programa kampaña imunizasaun Covid-19 iha Baucau hamutuk eskola 198 ho totál estudante hamutuk 19.821

Ofisiál Programa Promosaun Edukasaun Saúde ba Vasina Pfizer Baucau, Abrão Pinto. Imajen Tatoli/Natalino Belo.

“Ita halao ona kampaña vasinasaun Pfizer iha eskola hamutuk 123 hosi totál estudante hamutuk 13.945 doze dahuluk ka pursentu 71 vasina pfizer iha munisípiu Baucau,” Abrão Pinto hateten iha Vila Nova, segunda ne’e.

Hosi eskola 198, eskola ne’ebé seidauk vasina hamutuk 75 tanba númeru estudante barak no limitasaun ekipa iha kada sentru saúde nune’e difikulta atu kobre eskola sira refere hanesan iha sentru saúde Vemasse hela eskola tolu, Ossoqueli tolu, Sentru Quelicai no Postu Baucau vila iha sentru saúde Riamare númeru estudante barak.

“Ita kobre uluk eskola ne’ebé númeru estudante boot, enkuantu eskola númeru estudante uitoan iha faze ikus,” Abrão Pinto akresenta.

Tuir dadus ne’ebé iha katak sentru saúde Uailli totál eskolá 16 ho alvu estudante 1.802, estudante ne’ebé vasina ona hamutuk 1.373, Baguia totál eskola 28 hosi estudante 1.548, estudante ne’ebé vasina ona hamutuk 859.

Sentru Saude Bucoli totál eskola neen, estudante ne’ebé vasina ona hamutuk 948 hosi alvu estudante 1.182, Laga totál eskola 26 no vasina ona hamutuk 1.091 hosi alvu estudante 2.183.

Quelicai totál eskola 46, estudante ne’ebé vasina ona hamutuk 948 hosi alvu hamutuk 2.112, Vemasse totál eskola hitu, vasina ona estudante 577 hosi alvu hamutuk 885.

Venilale totál eskola 19, vasina ona estudante na’in-1.849 hosi alvu hamutuk 2.972, Riamare totál eskola 32, vasina ona 3.096 hosi alvu estudante 6.853 no sentru saúde Ossoqueli totál eskola ualu, vasina ona 340 hosi alvu hamutuk 563.

Jornalista   : Natalino Belo

Editór         : Evaristo Soares Martins

iklan
iklan

Leave a Reply

iklan
error: Content is protected !!