COVID-19, HEADLINE, MUNISÍPIU, SAÚDE, VIQUEQUE

Estudante Calixa Viqueque na’in-225 simu ona vasina Pfizer

Estudante Calixa Viqueque na’in-225 simu ona vasina Pfizer

Vasina Pfizer COVID-19. Imajen Tatoli/António Gonçalves

VIQUEQUE, 04 abril 2022 (TATOLI)—Estudante hosi Eskola Ensinu Sekundáriu Jerál (ESJ) Calixa Viqueque hamutuk na’in-225 simu ona vasina Pfizer doze dahuluk.

“Foin lalais ne’e pesoál saúde sira fó hotu ona vasina Pfizer hodi halo prevensaun moras COVID-19. Iha loron 21 abril ne’e, ami-nia estudante sira sei simu doze daruak, maibé molok fó vasina ba estudante sira, ekipa saúde sei halo sosializasaun ba inan-aman inklui estudante sira,” Diretór Eskola ESJ Calixa, Rosito Soares do Rosário, informa ba Agência TATOLI, iha resintu Eskola Calixa, Beobe, segunda ne’e.

Notísia relevante: Estudante Eskola CAFE Viqueque hamutuk 107 simu ona vasina Pfizer

Tuir Rosito Soares, parte eskola sei la obriga estudante ho idade 12-17 sira simu vasina, maibé maioria estudante ho konsiénsia simu hotu.

“Iha vasina ne’e ami la obriga estudante sira no durante implementasaun programa, pesoál saúde sira mós fó deklarasaun ba inan-aman sira atu asina mak foin oan sira simu vasina,” nia akresenta.

Maski nune’e, tuir Responsável eskola ne’e, estudante sira ho antusiazmu simu vasina tanba hosi vasina mak bele hasa’e imunidade kontra vírus.

“Ha’u hanoin vasina ne’e di’ak, tanba hasa’e ita-nia imunidade hasoru moras COVID-19 no halo prevensaun ba moras ne’ebé espalla iha Timor Leste,” nia tenik.

Jornalista : Vitorino Lopes da Costa

Editora     : Julia Chatarina

iklan
iklan

Leave a Reply

iklan
error: Content is protected !!