iklan

EKONOMIA, COVALIMA

Floresta Covalima kontribui reseita $4,125 ba kofre Estadu

Floresta Covalima kontribui reseita $4,125 ba kofre Estadu

Xefe Departamentu Reprezentasaun Territoriál Floresta no Indústria Covalima, Francisco Sarmento. Imajen Tatoli/Celestina Teles.

COVALIMA, 04 abríl 2022 (TATOLI)–Xefe Departamentu Reprezentasaun Territoriál Floresta no Planta Indústria Covalima, Francisco Sarmento informa, iha trimestre dahuluk ne’e, janeiru to’o marsu ne’e, Floresta Covalima kontribui ona reseita $4,125 ba kofre Estadu liuhosi fonte negosiante sira hasai lisensa transporta ai hosi Covalima ba Dili.

“Hosi janeiru to’o marsu tinan ne’e, ami kontribui ona reseita $4,125 ba kofre Estadu. Reseita ne’e kontribui liuhosi negosiante sira hasai lisensa transporta ai hosi Covalima ba iha Dili hodi distribui ba meuvel sira,” Francisco Sarmento hato’o ba Agência Tatoli, iha nia knar fatin Kampung Baru, segunda ne’e.

Hosi reseita $4,125 ne’e, iha fulan-janeiru ne’e, Floresta Covalima kontribui $1,375 ho totál ai metro 55 kúbiku, ba fulan fevreiru kontribui reseita $1,250 ho totál ai metro 50 kubiku ba fulan-marsu kontribui $1500 ho total ai metro 60 kúbiku.

Floresta Covalima kontribui reseita sira-ne’e mai hosi negosiente sira hasai lisensa hodi tula ai atu halo negosiu ai hosi Covalima transporta ba iha Dili no lisensa sosiál.

Lisensa sosiál ho nia objetivu hodi ajuda komunidade ne’ebé mak laiha kbiit atu sosa ai indústria no laiha plantasaun rasik hodi halo konstrusaun uma no uma adat, haree ba volume ai ne’ebe komunidade presiza.

“Ami halo rejistu ba negosiante la haree ba na’in hira maibé ami haree liu ba ai volume, ai kubiku hira kada fulan hira ida mak ami rejistu kada metru kúbiku ho nia presu $25.00,” nia hateten.

Hafoin Floresta rejista volume ai ne’ebé mak negosiante sira hasai lisensa ai atu tranporta ba iha Dili ne’ebé negosiante sira selu iha Dirasaun Jerál Floresta Kafé Plata Indústria ne’ebé iha sistema rasik lori osan ba BNU.

Durante ne’e, Floresta Covalima halo atendimentu ba negosiante sira hasai lisensa ai sira maiória ai-teka, ho nune’e ai-teka mós menus ona entaun sira labele kua ka kado ai iha fatin ida maibé to’o ida muda ba to’os seluk.

Negosiante sira-ne’ebé ko’a-ai maioria iha postu administrativu Tilomar, Suai Vila, Maucatar, Fohorem, Zumalai no Fatuliluk ladún iha maibé depende negosiante halo negósiu iha postu administrativu sira.

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!